Nahumi 2 - Emakhuwa Bible

Ophwatiwa wa esidade yoonanara

¹ Namaphwata onnoorweela weyo, Ninive! Olipelele nipuro noolipihiwa; owehawehe musewe; wiirehererele owana, othukumanye ikurusawo sootheene!

² Yave onoohokoloxera ovuwa wa Yakobe, ovuwa wa oYixrayeli yaaroohuhularu anamaphwata iwuuvasaya.

³ Ixikudu* sa anakhotto a amwiittana ti sooxeera; anakhotto oolipaxa murima ewanreene ikuwo sooxeera. Ikaarosaya sa ekhotto sinaara yaathataanelaka ekhotto evonyiwaka mavaka.

⁴ Ikaaro sineetta woowaaluwa siviraviraka mmiseweni ni mmapuwani. Ekhalelowaaya eri ntoko mithuko sivarelaka sinaakuveya ntoko overinya.

⁵ Mwene a oNinive ongwiitthana anakhottwaawe oothanliwa ni awosa annikwattuliwa. Antthimakela oxirini wa esidade weera yiirehererele wiixaakiha.

⁶ Milako sa omoolokoni soopwexiwa ni empa ya mwene yookomowa.

⁷ Woolamuliwa weera amaki a oNinive ankuxiwa ntoko ootthukiwa eronghiwaka elapo ekina. Asimwali ookuxiwa ntoko ipottha, aniipulela ntoko ikhunda emanaka vakakasani.

⁸ oNinive ori ntoko ntthiya na khalayi noowelela. Awosa ankhuwela yeeraka: “Ee! Ee!,” mene khawowo anaawehe ottuli.

⁹ Muhuhule eparatha*! Muhuhule eyuuma yoorikaxa. Mihakhusaya khasimmala; yoosareya itthu sootthuneyaxa!

¹⁰ Ii! Esidade yoovalavela! Otoloxiwa, ohuhuliwa! Murima onnavava; makutha annitteenguwa; erutthu yootheene ennithukumela ni ikhove sootheene sinnaamora.

¹¹ Nri woowi nikhuku na mwatto, mwa weiwo aacihaawewo axaanaawe; nipuro nno mwa weiwo aarowaawewo mwatto mulopwana ni muthiyana vamoha ni axaanaaya ehoovaka etthu?

¹² Mwatto annavara, anaakawela amwatto athiyana ni axaana, asarihaka makhukwaawe enama aavaraawe.

¹³ Yave a ikuru sootheene ongweerela: “Weyo ti Mwiittanaaka; kinoohisa ikaarosawo sa ekhotto mpaka otthuwa mwiixi, amwattwaawo yiiviwaka ni ekatana. Kinoomaliha olupatthawawo mulaponi, ni masu a anamitthenga awo khayiiwiwatho.”