Miteko 8 - Emakhuwa Bible

Osoondiwa ni omwalamwala wa ekerexa

¹ Ni Sawulitho aahaakhulela wiiviwa wa Stefano. Vanihukuni nne waakhumelela osoondiwa otokotoko ni ekerexa ya oYerusaleemu. Ootheene ehikhanle arummwa yaamwaramwareya mweelaponi ya oYudeiya ni oSamariya.

² Atthu akina a murima wa omuluku yaamvitha Stefano ni yaamulalamikela vancipale.

³ Vano Sawuli aapacera ophwata ekerexa. Arowaka empa ti empa, aahaatthuka alopwana ni athiyana ni aahaavonyera mukaliposo.

Filipe oSamariya

⁴ Yaawo yaamwalamwanle, yannalaleiya masu a Muluku weiwo yaatthunaaya orowa.

⁵ Aphiyaka Filipe esidade emoha, iwe aahaalaleera sa Kristu.

⁶ Atthu ancipale emwiiwaka Filipe, ni yoonaka ineneero sootikhiniheya owo aapakaawe, awo yaahiiwa nnenesene yeeyo Filipe aahimaawe.

⁷ Minepa soonanara saavenya wa atthu ancipale sikhuwelaka, ni ooheetta ni ootuthunya ancipale yaalamihiwa.

⁸ Hiiho waakhala ohakalala otokotoko wa esidade ele.

Simeyoni namacitta

⁹ Vano, aakhala mulopwana mmoha musidadeni mmwe iitthaniwa Simeyoni. Apakaka sa okhwiri wa ehuhu ekina, aatikhiniha muloko wootheene wa oSamariya. Owo iixeera oottittimiheyaxa,

¹⁰ ni muloko wootheene, okhuma asikhaani mpaka asitokweene, yaahiiwa yeeriwaka: “Mulopwana ola ti ikuru sa Muluku, oosuweliwa ntoko ikuru sitokotoko.”

¹¹ Awo yaamutthara, niwoko owo ahaatikhiniha ni macittaawe wa ehuhu yincipale.

¹² Vanonto, aalaleeraka Filipe masu ooreeraxa a omwene wa Muluku ni a Nsina na Yeesu Kristu, awo yaamuroromela ni yaapatisiwa – alopwana nitho athiyana.

¹³ Simeyoneene yoowo aaroromelatho ni aapatisiwa. Aamutthara Filipe woohimuhiyerera, awehaka ootikhinihiweene ineneero sitokotoko ni sootikhiniha saapakiwa.

¹⁴ Yiiwaka arummwa a oYerusaleemu weera aSamariya yaahaakhulela masu a Muluku, yaamurumiha weiwo Pedru ni Yohaane.

¹⁵ Awo ephiyaka, yaahaavekelela aSamariya a nroromelo weera yaakhele Munepa Wootteela,

¹⁶ niwoko Munepa nlelo khawaamukhuruwenle naari mutthu mmoha a yaale. Awo yaapatisiwa mwa Nsina na Apwiya Yeesu paahi.

¹⁷ Vano Pedru ni Yohaane yaawiikaathera matata, ni awo yaahaakhela Munepa Wootteela.

¹⁸ Oonaka Simeyoni weera Munepa waavahiwa ni wiikaatheriwa matata a arummwa, aakhumiha musurukhu weera aavahe,

¹⁹ ni aaweerela: “Mukivahetho ikuru iya weera mutthu kineeraaka kimwiikaathere matata, aakhele Munepa Wootteela.”

²⁰ Pedru aamwaakhula: “Muriheye vamoha ni musurukhwaanyu! Munuupuwela weera munoowera othuma yamahala ya Muluku ni musurukhu?

²¹ Khamunono mpatta naari ikuru mmutekonimu, niwoko murimaanyu khooreenre ohoolo wa Muluku.

²² Murukunxe murimaanyu wa yoonarara ela ni mwaavekele Apwiya. Apaale awo eniyooleveleleni wuupuwela wu mmurimanimwanyu,

²³ niwoko kinoona weera nyuwo moosareyaxa nrima ni ootthukiweene ni soottheka.”

²⁴ Vano Simeyoni aamwaakhula: “Mukivekelele miyo wa Apwiya weera ehikikhumelele naari etthu emoha ya seiyo munuulumaanyu.”

²⁵ Emalihaka okhalela onamoona ni olaleiya masu a Apwiya, Pedru ni Yohaane yaahokoleela oYerusaleemu, elaleiyaka masu ooreeraxa mmittettheni sincipale sa aSamariya.

Filipe ni muTiyopiya

²⁶ Ndyelo mmoha a Apwiya aamweerela Filipe: “Murowe ohitto wa ephiro yoothowa atthu enrowa oYerusaleemu mpaka oGaza.”

²⁷ Hiiho owo aavenya, ni eettaka mphironi, aamoona enoko* wEtiyopiya, mutokweene oottittimiheyaxa a Kandasi*, eyo tiiyo pwiyamwene a wEtiyopiya, namalamula a mihakhusawe sootheene. Mulopwana owo aarweenle oYerusaleemu weera alape,

²⁸ ni vano aahokoleela owaani, akilaathiyeene mukaaronimwawe asomaka elivuru ya mprofeeti Yesaya.

²⁹ Munepa waamweerela Filipe: “Mwaattamele ekaaro ele ni mweette ni yeeyo.”

³⁰ Vano Filipe aatthimakela ekaaro, aamwiiwa mulopwana asomaka elivuru ya mprofeeti Yesaya, ni aamukoha: “Nyuwo munimwiiwexexa yeeyo munsomaanyu?”

³¹ Owo aamwaakhula: “Nkiiwexexe hai, ahikhanle mukina onkithalihera?” Hiiho aamwiitthana Filipe weera awele ni weera akilaathi mukerekheremwawe.

³² Mulopwana owo aamweera osoma mpatta ola wa Yoolempwa*: “Aakuxiwa ntoko ekhondoolo enronghiwa vanipuroni na wiiviwa, ni ntoko eputtiputthi yoomaala vamaithoni wa namamettha, Owo khaahunle eyanowaawe.

³³ Mooyevihiwanimwawe aakhoottihiwa ekhaikhai. Taani ongwera wuuluma sa ekhapiraawe, niwoko okumaawe ovenxiwe mweelaponi.”

³⁴ Vano enoko* ole aamukoha Filipe: “Dyoontte, mukileele, mprofeeti onuuluma sa taani – onuuluma sa muneenaawe, naari sa mukina?”

³⁵ Filipe, apaceraka ni mpatta ole wa Yoolempwa*, aamulaleera masu ooreeraxa a Yeesu.

³⁶ Yeettaka mphironi, yaaphiya vanipuroni yaaraayawo maahi. Enoko* aamweerela: “Moone, va aakhala maahi. Enkooceeliha eheeni weera kipatisiwe?”

³⁸ Hiiho aalamulela weera yeemele ekaaro. Vano Filipe ni enoko* yaakhuruwela mmaahini ni Filipe aamupatisa.

³⁹ Ekhumaka mmaahini, Munepa wa Apwiya waamukuxa Filipe woowaakuveya, ni mulopwana ole khaamoonnetho. Wa soothesene, aapwaherera mukwahaawe asareiyeene ni ohakalala.

⁴⁰ Filipe aaphwanyiwa wAzoto, ni eetteettaka, aalaleiya masu ooreeraxa mmittettheni sootheene, mpaka ophiya oSesareya.