Miteko 25 - Emakhuwa Bible

Othorihiwa ohoolo wa Festo

¹ Eviraka mahuku mararu woophiya elapo ele, Festo aarowa oSesareya mpaka oYerusaleemu,

² yaarwiyaaya ahooleli a asaserdoti* ni aYuda oottittimiheyaxa vahoolowawe, emooniheraka soomootherasaya Pawulo.

³ Yaamvekelaxa Festo weera athaamiheriwe Pawulo oYerusaleemu evaanelaka omwiipithela Pawulo mphironi weera emwiive.

⁴ Festo aawaakhula: “Pawulo ootthukiwa oSesareya, ni miyo muneenaaka kihanle vakhaani orowawo.

⁵ Erowe vamoha ni miyo asitokweene akina a nyuwo ni weiwo yathalihe soomoothera mulopwana owo, waari weera vekhaikhai aapaka etthu yootapanyiha.”

⁶ Areene ni yaawo mahuku mathannamararu, naari mahuku muloko, aarowa oSesareya ni oxaawaya aathukumanyiha muthukumano ni aalamulela weera Pawulo aruuhiwe vahoolowawe.

⁷ Pawulo iixooniheraka, aYuda yaarwiiye oYerusaleemu yaamurukureera, emootheraka soowoothera soowoopiha, awo, yahaawenraaya waakhulela.

⁸ Vano Pawulo aahiixaakiha eeraka: “Kheewowo etthu kaatapanyihenraaka aYuda ni nlamulonaya, naari ni Empa ya Muluku, hoye hoye Seesari.”

⁹ Festo, atthunaka waasiveliha aYuda, aamukoha Pawulo: “Nyuwo moolikana weera murowe oYerusaleemu ni weiwo mwathorihiwe ohoolowaka mwaha wa soowoothera iya?”

¹⁰ Pawulo aamwaakhula: “Vano miyo kiri ohoolo wa muthukumano wa nipuro noowuuluma milattu na Seesari, wenno ontthuneya weera kithorihiweke vaava. Kheewo etthu yoonanara kaapakenlaaka aYuda, ntoko musuwenlaanyu nnenesene.

¹¹ Kaarino nthowa noopaka etthu yoophwanela okhwa, nkinkhootta okhwa. Vaheera soowoothera kinootheriwaaka ni aYuda saahikhanle sa ekhaikhai, khaawo ophwanenle weera akivaherere wa yaawo. Kintthuna woonihera wa Seesari!”

¹² Awiiwelelaka anamalakaawe, Festo aaheera: “Nyuwo mootthuna wa Seesari; wa yoowo mmwirowe!”

Festo onimvekela olaka mwene Agripa

¹³ Eviraka mahuku makina, mwene Agripa ni Berenisi yaaphiya oSesareya weera emuulumihe Festo.

¹⁴ Woonaka weera awo yaakhalawo mahuku mancipale, Festo aamuthalihera mwene makhalelo a Pawulo, eeraka: “Ookhala va mulopwana mmoha Felisi aamuhingyaawe ootthukiweene.

¹⁵ Kaarongwaka oYerusaleemu, ahooleli a asaserdoti* ni asitokweene a aYuda yaamoothera, yoowo, ekivekelaka weera athorihiwe.

¹⁶ Miyo kaaweerela weera kheehiyono ekhovelelo ya aRooma omttaruxa mutthu ahinaaye owo wiixoonihera mwaneenaawe ohoolo wa anamootheraawe, ni ahinaaye okhalano ehuhu yoowiixaakiha sa soowoothera animpakelaaya.

¹⁷ Erwaaka va awo vamoha ni miyo, nkaalekelihale mwaha ola. Kaathukumanyiha muthukumano oxaawaya ni kaalamulela weera mulopwana owo ooniheriwe.

¹⁸ Anamootheraawe yeemelaka weera yuulume, khayaamoothenre naari yoonanara emoha miyo kaawehereraaka.

¹⁹ Ohiyanawaya, yaavirikanyiha ni yoowo sa mipatta sikina sa ediinaaya, ni sa Yeesu mmoha okhwiiye, mwa Yoowo Pawulo aanyesereraawe weera ori ni okumi.

²⁰ Nkaasuwenle moota woowehaweha nyaha iye, tivawo kaamukonghaaka owo aari aalikanne orowa oYerusaleemu weera athorihiwewo mwaha wa soowoothera iya.

²¹ Atthunaka Pawulo weera akhale ootthukiweene mpaka mwaha ola olakeliwa ni Seesari, kaalamulela weera akhale mukaliposo mpaka miyo kineeraaka kimurumihele Seesari.”

²² Vano Agripa aamweerela Festo: “Miyotho kaatthuna omwiiwa mulopwana owo.” Owo aamwaakhula: “Munoomwiiwa omaalo.”

Pawulo ohoolo wa mwene Agripa

²³ Oxaawaya Agripa ni Berenisi yaahoorwa ni ovuwawaya otokotoko, ni yaavolowa mpaani mwa nyaha sa othorihiwa vamoha ni asitokweene a anakhotto ni atthu oosuwanyeyaxa a esidade. Munlamuloni na Festo, Pawulo aaruuhiwa.

²⁴ Vano Festo aaheera: “Mwene Agripa ni atthu ootheene ari va ni hiyo, mmoone mulopwana ola! aYuda ootheene a wenno ni a oYerusaleemu yannakivekela mwaha wa ola, ekhuwelaka weera owo khaphwanenletho okhala ni okumi.

²⁵ Kaahoonatho weera khaapanke naari etthu emoha yaaphwanela okhwa. Wa soothesene, niwoko owo aatthuna woonihera wa Seesari, kaalakela omurumiha oRooma.

²⁶ Vanonto, nkinono etthu ya ekhaikhai yoowaalepela atokweene a oRooma. Tivawo, miyo kimuruuhalaaka ohoolowanyu, woopwahaxa ohoolowanyu, mwene Agripa, weera kimalihaka okohakoha, miyo kinoowera olepa etthu.

²⁷ Khoonreera omurumiha namatthukiwa kihithalihaka nnenesene soowootheriwasawe.”