Miteko 24 - Emakhuwa Bible

Wiixaakiha wa Pawulo ohoolo wa Felisi

¹ Eviraka mahuku mathanu, mutokweenexa a asaserdoti* Ananiya, vamoha ni asitokweene akina a aYuda ni namwaakiha mmoha Tertulo, yaahoorwa oSesareya ni yaamuleela guvernadori soomootherasaya Pawulo.

² Pawulo iitthaniwaka, Tertulo aamuthalihera Felisi makhalelo a aYuda, eeraka: “Hiyo nookhala mwa murettele ehuhu yincipale niwoko na nyuwo, ni malamulelowaanyu aaruuha ehuhu yooreeraxa wa mulokwaahu.

³ Aani, mwa itthu sootheene ni mipatta sootheene, Felisi oottittimiheyaxa, ninnaakhela yeeyo ni otthapela wincipale.

⁴ Wa soothesene, nihilekelaka, kinoovekelani weera muniiwe vakhaani.

⁵ Nohoona weera mulopwana ola ooxupaxupa, niwoko onruuha onyakulihana variyari wa aYuda a ilapo sootheene. Owo ti muhooleli a nihusiho noolokottha na aNasarete,

⁶ ni mpaka aaheerera oveiha Empa ya Muluku, tivawo nimutthukalaahu.

⁸ Nyuwo mwamukohakoha, munimoonelela weera soowoothera iya sootheene nnimpakelaahu, ti sa ekhaikhai.”

⁹ aYuda yaahaakhulela yoowoothera, eroromelihaka weera seiya saathalihiwe saari sa ekhaikhai.

¹⁰ Guvernadori amuthoonyeraka eneneero weera uulume, Pawulo aahima: “Koosuwela weera okhuma khalayi mpaka olelo, nyuwo muri mphuki a muloko ola, tivawo kiniixaakiha ni oweherera.

¹¹ Wookhweya munoowera woona weera ehivinre mahuku muloko ni meeli, miyo kaarowa oYerusaleemu olapa.

¹² Anamootheraaka khayaakiphwannye kaakhulanaka ni mutthu Mpaani mwa Muluku, hata kaaseseraka atthu ancipale muSinagogani*, naari nipuro nikina na musidade.

¹³ Hata vakhaani khaangwera owaakhulelani nyuwo soowoothera ankipakelaaya miyo.

¹⁴ Wa soothesene, kinooleelani weera kinimulapa Muluku a makholowaahu ntoko namatthara a Ephiro mwa yeeyo awo aniitthanaaya nihusiho noolokottha. Kinroromela sootheene sinaakhulela ni nlamulo ni yeeyo elempwale mmaprofeetani.

¹⁵ Vano, mwa Muluku kookhalano owehererawene weiwo ntoko wa atthu ala, weera onuukhale ovenyerera wa oororomela ni oohiroromela.

¹⁶ Tivawo kinaasaasaaka mahuku ootheene weera kikhale ni murima wooreera vamaithoni wa Muluku ni wa atthu.

¹⁷ Siviraka iyaakha sikina, kaahoorwatho oYerusaleemu weera kivahe soovaha wa mulokwaaka, ni koonihere sooveleela.

¹⁸ Kaapakaaka yeeyo, kirapihiweene, awo yaakiphwanya Mpaani mwa Muluku. Khaayaariwo atthu ancipale vamoha ni miyo, naari nkaapanke etthu yoonyakulihana.

¹⁹ Aakhalatho aYuda akina a elapo ya wAsiya yaatthuneya weera ekhale ohoolowanyu ni yoonihere soowootherasaya, awo yaari yaakhalanne etthu ni miyo.

²⁰ Hoye hoye awo ari va, antthuneya othaliha etthu yoonanara heeni yaaphwannyaaya wa miyo kaaronghiwaaka oSineedriyuni*,

²¹ ohikhanle etthweene ela: Kuulumalaaka ni yaawo, kaakhuwela keeraka: ‘Ti mwaha wa ovenyerera wa akhwiiye miyo kinthorihiwaaka olelo ohoolowanyu.’”

²² Vano Felisi, mwa yoowo aasuwenle nnenesene Ephiro, aamaliha mwaha ole ni aaheera: “Aphiya mutokweene a anakhotto Lisiya, nkilakele mwahaanyu.”

²³ Vano aamulamulela kenturiyoni* weera amuthokorore Pawulo, mene weera amutaphule vakhaani ni weera aatthunihere asinthamwenaawe omurumeela.

²⁴ Eviraka mahuku makina, Felisi ni amwaariye Drusila, aari muYuda, aarumiha omwiitthana Pawulo, ni aamwiiwa uulumaka sa nroromelo mwa Kristu Yeesu.

²⁵ Uulumaka Pawulo sa waakhuleliwa ni Muluku, sa wiisuumaaliha ni sa othorihiwa oneera orwe, Felisi aahoova ni aamweerela:“Waatta! Vaanaano va, mpwaheke. Kaphwanya ehuhu, nkiwiitthanenitho.”

²⁶ Ehuhuweene yeele aatthuna mmurimanimwawe weera Pawulo amvahe musurukhu. Tivawo annarumiha omwiitthana imaara sincipale ni uuluma ni yoowo.

²⁷ Siviraka iyaakha piili, Felisi aamwaakhela Porsiyo Festo ntoko namukalambaawe. Wa soothesene, atthunaka waasiveliha aYuda, Felisi aamuhiya Pawulo okaliposo.