Miteko 2 - Emakhuwa Bible

Orwa wa Munepa Wootteela nihuku na Pentekoste*

¹ Niphiyaka nihuku na Pentekoste*, ootheene yaathukumana vanipuroni nimoha.

² Wootutuxereya waarweela wiirimu oruma ntoko wa ettheku, ni waasareya empa yootheene ale yaakilaathiyaaya.

³ Yaahoona itthu soolikana ntoko malumi a mooro, ekawanyeyaka ni nlumi ti nlumi naammorela mmurumwawe mutthu ti mutthu a yaawo.

⁴ Ootheene yaasareya ni Munepa Wootteela ni yaapacera wuuluma muulumo makina ntoko Munepa waavanghaaya wuuluma.

⁵ Vano, yaakhalawo oYerusaleemu aYuda, atthu emoovaka Muluku, erweelaka wa miloko sootheene sa elapo ya vathi.

⁶ Yiiwaka oruma iwe, yaathukumanawo atthu ancipale ni yaatikhina niwoko khula mutthu aahiiwa uulumaka nuulumonaweru mwaneenaawe.

⁷ Etutuxiweene ni etikhinihiweene, yaakohana: “Moone, khaahiyono aGalileiya ootheene ala anuuluma?

⁸ Vano, ongwereya hai khula mutthu a hiyo oniiwa yaawo yuulumaka nuulumonahu niyariwaahuno?

⁹ Hiyo aParti, aMedi, awElamiti ni yaale ankhala oMesopotamiya, oYudeiya, oKapadosiya, oPonto ni wAsiya,

¹⁰ oFrisiya, oPanfiliya, wExipitu ni mipatta sa oLibiya, waattamela oKireene, aletto erweelaka wa oRooma,

¹¹ aYuda nitho yaale antthara ediinaaya, aKreti ni awaRabiya. Hiyo ningwiiwa elaleiyaka miteko sitokotoko sa Muluku ni nuulumonahu asineenaahu!”

¹² Etutuxiweene ni etikhinihiweene, ootheene yaakohana mukina ni mukhwaawe: “Entaphulela eheeni ela?”

¹³ Wa soothesene, akina a yaawo yaahaatheiya, yeeraka: “Awo aawuraxa eviinyu.”

Olaleiya wa Pedru

¹⁴ Vano Pedru aaheemela vamoha ni muloko nimmoha, ni aaweerela atthu ancipale, akhuwelaka: “Atthu a oYudeiya ni ootheene ankhala oYerusaleemu, mukihiye koothalihereni yeeyo! Mwiiwe nnenesene!

¹⁵ Asilopwana ala khaahapaliwe ntoko nyuwo munuupuwelaanyu. Nlelo ela ehuhu yooxeexelo!

¹⁶ Ohiyanawaya, ela ti yeeyo yaahimmwale ni mprofeeti Yoweli:

¹⁷ ‘Mahuku ookisera, Muluku eenre, nkihelele Munepaaka miloko sootheene. Anamwanaaya asilopwana ni asithiyana eniithalihe otthuna wa Muluku; amiravo eniyoone nyoonelo ni asitokweene eniilohe sooloha.

¹⁸ Mahukweene yaawo nkaahelele Munepaaka arumeiyaaka asilopwana ni asithiyana, ni awo eniithalihe otthuna wa Muluku.

¹⁹ Nkoonihere sootikhiniha wiirimu ni ineneero vathi va, ephome, mooro ni mahutte a mwiixi.

²⁰ Nsuwa nnithatuwe epiphi, ni mweeri onuuthatuwe ephome nihinaaye ophiya nihuku ntokweene ni noovuwaxa na Apwiya.

²¹ Ni khula mutthu aniitthane Nsina na Apwiya, anaavuluxiwe.’

²² aYixrayeli, mwiiwe masu ala: Muluku aamwaakhulela Yeesu a oNasarete vamaithoniwanyu niwoko na sootikhiniha, ikuru ni ineneero Muluku aapakaawe variyariwanyu mwaha wa Yeesu, ntoko nyuwo munsuwenlaanyu.

²³ Muluku aalakela ni aalamulela khalayi weera Mulopwana Owo muvahereriwaanyu nyuwo ni ekhavihero ya atthu ootakhala. Vano mwaamwiiva, munkhomelaka vamuttandani.

²⁴ Vaheera Muluku oomuvenyereriha mookhwaani, amutaphulaka wa ovoreiya wa okhwa, niwoko khawaawereya weera okhwa omvare.

²⁵ Davide eenre mwaha wa Yoowo: ‘Miyo kingwoona mahuku ootheene Apwiya ohoolowaka. Awo ari moonowaaka mulopwana, tivawo miyo kihinttikinyiwaaka.

²⁶ Tivawo murimaaka woohakalala ni nluminaka nootthapa; erutthwaakatho eniikhale ni oweherera,

²⁷ niwoko nyuwo khamukihiya kirowaka oHadesi*, hata khamutthunihera weera Ootteelaanyu untte.

²⁸ Nyuwo mookisuweliha iphiro sa okumi ni mmwikisarihe ni ohakalala vamaithoniwanyu.’

²⁹ Axunnaka, kinoowera wooleelani ni ekhaikhai weera mutokweene Davide aahookhwa, ni aavithiwa ni nihiyenawe nri variyariwahu mpaka nihuku na olelo.

³⁰ Vano owo aari mprofeeti ni aasuwela weera Muluku aamuroromeliha ni nlipelo weera eera aamwiikaathi mmoha a ekhapiraawe vahiceniwawe.

³¹ Asuwelaka yeeyo ehinaaye okhumelela, owo aahuuluma sa ovenyerera wa Kristu, Yoowo ohihiiwe munihiyeni ni erutthwaawe kheehaangwe ni wunnta.

³² Muluku oomuvenyereriha Yeesu Owo, ni hiyo ootheene nri anamoona a etthweene yeeyo.

³³ Avuwihiweene moono mulopwana wa Muluku, Owo aahaakhela wa Atiithi Munepa Wootteela woororomelihiwa, ni ooyeeha Yoowo ntoko nyuwo vano munoonaanyu ni muniiwaanyu.

³⁴ Vano, Davide khaawenle wiirimu, mene owo mwaneenaawe aahima: ‘Apwiya yaaweerenle Apwiyaaka: Mukilaathiki moonowaaka mulopwana

³⁵ mpaka miyo kineeraaka kiwiikaathi amwiittanaanyu vathi wa inaawosanyu.’

³⁶ Tivawo aYixrayeli ootheene esuwele nnenesene yeeyo: Yeesu Owo nyuwo mwaamuthomeiyaanyu, Muluku oompaka Apwiya ni Kristu.”

³⁷ Yiiwakaru yeeyo, awo yaahoopopiheya ni yaamukoha Pedru ni arummwa akina: “Axunna, nneereke hayi?”

³⁸ Pedru aawaakhula: “Murukunxeke mirimasanyu, ni mutthu ti mutthi a nyuwo apatisiweke mwa Nsina na Yeesu Kristu wa elevelelo ya sootthekasanyu, ni mmwaakhele mahala a Munepa Wootteela.

³⁹ Vano, yoororomelihiwa ela ti yawinyu, ya anamwanaanyu ni ya ootheene ari ottaiwene, ya ootheene yaawo Apwiya Mulukwaahu eneeraaya ewiitthane.”

⁴⁰ Ni masu mancipale makina owo aawooperera ni aahaanyeserera awo: “Mwiivuluxe wa ekhapira ela yootakhala.”

⁴¹ Yaawo yaakhulenle mutthengaawe, yaapatisiwa, ni nihuku nne yaahaandyeerereya wookwanaka atthu macira miloko miraru.

Wiiwanana wa aKristu

⁴² Awo yaakhala ni nthiti mwaha wa nihusiho na arummwa, wiiwanana, omeyanya wa epaawu ni mmavekeloni.

⁴³ Ootheene yaasareya ni woova ni sootikhiniha, ni ineneero sincipale saapakiwa ni arummwa.

⁴⁴ Ootheene yaawo yaaroromela yanniiwanana, ni yaarino sootheene vamoha.

⁴⁵ Ethumihaka imatta ni itthusaya, awo yaakawana mutthu ti mutthu ntoko aahaawelaawe.

⁴⁶ Mahuku ootheene yannapwaherera othukumana Mpaani mwa Muluku. Yannakawana sooca mmawannyaya ni yannaca vamoha ni ohakalala ni murima wootheene,

⁴⁷ emuttottopelaka Muluku ni yaakhuleliwaka ni muloko wa atthu wootheene. Ni nihuku ti nihuku Apwiya yannawaandyeerera yaawo Muluku aavuluxaawe.