Miteko 15 - Emakhuwa Bible

Muthukumano oYerusaleemu

¹ Alopwana akina yaahoorwa ekhumaka oYudeiya mpaka wAntiyokiya, ni yaahaahusiha axunna yeeraka: “Nyuwo mwaahiineliwe ntoko ekhovelelo yaaxuttihiwe ni Moisesi, khamungwera ovuluxiwa.”

² Pawulo ni Baranaba khayaakhulenle tivawo yaapacenraaya onyakulihanaxa ni yaawo. Hiiho Pawulo ni Baranaba yaathanliwa vamoha ni akina orowa oYerusaleemu, weera yiiwanane ni arummwa ni asitokweene mwaha wa mulattu ole.

³ Ekerexa yaahaarumiha ni eviraka oFenisiya ni oSamariya, yaahaathalihera akristu a weiwo moota amalapo yaarukunxalaaya mirimasaya. Ihaali iye saahaahakalaliha vancipale axunna ootheene.

⁴ Ephiyaka oYerusaleemu, yaahaakheleliwa nnenesene ni ekerexa, arummwa ni asitokweene, ni yaahaathalihera sootheene Muluku aapakaawe mmatatanimwaya.

⁵ Vano yaaheemela akina a yaawo yaaroromenle yaari aFarisi*, yeeraka: “Ontthuneya owiinela amalapo ni waanyesereriha weera yiiwelele malamulo a Moisesi.”

⁶ Arummwa ni asitokweene a ekerexa yaathukumana weera yiiwanane mwaha wa mulattu ole.

⁷ Vahoolo wa masu mancipale, Pedru aaheemela ni aaweerela: “Axunna, nyuwo moosuwela weera okhuma khalayi, Muluku ookithanla variyariwanyu weera amalapo yiiwe mmwaanomwaka masu ooreeraxa ni weera eroromele.

⁸ Muluku onsuwela murima aahoonihera weera Owo aawaakhulela amalapo, aavahaka Munepa Wootteela ntoko aanivanghaawe khalayi.

⁹ Owo khanipakenle nthalu hiyo ni yaawo, woonaka weera ootteeliha mirimasaya ni nroromelo.

¹⁰ Vano, heeni nyuwo muntthunaanyu omweerera Muluku, mwaathatelihaka yoolemela oohusera, mwa yeeyo hata hiyo, naari makholowaahu, khayaawenre ovilela?

¹¹ Ohiyanawaya, ninroromela weera noovuluxiwa mwa mahala a Apwiyaahu Yeesu Kristu, ni hiihaawotho awo.”

¹² Muthukumano wootheene waamaala omwiiwaka Pawulo ni Baranaba yuulumaka sa ineneero ni sootikhiniha sootheene Muluku aapakaawe mmatatanimwaya variyari wa amalapo.

¹³ Emalihaka wuuluma, Yakobe aaweerela: “Axunna, mukiiwe.

¹⁴ Simeyoni oonithalihera moota Muluku uupuwenlaawe okhuma ompacereroni, othukumanya muloko eriyari ya amalapo mwa Nsinanawe.

¹⁵ Masu a maprofeeti anaakhulela yeeyo, ntoko elempwalaaya:

¹⁶ ‘Vahoolowaya, nkihokolowe ni nkiteketho eheema ya Davide emonre. Nkiteketho milepesaya ni nkireherere,

¹⁷ weera yaawo atthu ahanle ewaasaase Apwiya, nitho amalapo ootheene mwa yaawo Nsinanaka niitthaniwaaya, aneera Apwiya ampaka itthu iya

¹⁸ soosuwanyeya okhuma khalayi.’

¹⁹ Tivawo kinuupuwelaaka weera khoontthuneya weera hiyo naaxupe amalapo anrukunxela murimaaya wa Muluku.

²⁰ Ohiyanawaya, ontthuneya weera hiyo naalepele, naaleelaka weera ehikhuure inama soonanarihiwa ni miluku sikina, ehiraruwe, ehikhuure inama soonyopotoliwa mmilo, naari ehiwure ephomaaya.

²¹ Vano, okhuma khalayi malamulo a Moisesi aalaleiwa isidade sootheene, esommwaka muSinagogani* khula eSaabadu.”

Ekaratta ya muthukumano wa aKristu amalapo

²² Arummwa ni asitokweene vamoha ni ekerexa yootheene yaalakela waathanla akina variyariwaya ni waarumiha wAntiyokiya, vamoha ni Pawulo ni Baranaba. Yaamuthanla Yudasi iitthaniwa Barsaba ni Sila, ahooleli eeli variyari wa axunna.

²³ Ni yaawo yaarumiha ekaratta enttharelana: ‘Ya axunninyu, arummwa ni asitokweene a ekerexa, wa aKristu amalapo ari wAntiyokiya, oSiriya ni oSilisiya: Salaama.

²⁴ Noosuwela weera akina aakhuma variyariwahu nihaalamulenle, ni yaahookacamihani yootutuxakani mmuupuwelonimwanyu ni yeeyo yaahimalaaya.

²⁵ Hiiho, nohiiwanana ootheene hiyo waathanla asilopwana akina ni woorumihelani nyuwo vamoha ni axunnihu oosiveleya, Pawulo ni Baranaba,

²⁶ mwa yaawo yaalenve okumaaya niwoko na Nsina na Apwiyaahu Yeesu Kristu.

²⁷ Tivawo, nnimurumihaahutho Yudasi ni Sila weera yaakhulele ni iyaanosaya yeeyo hiyo ninlepaahu.

²⁸ Munepa Wootteela ni hiyo naahiiwanana ohoonyesererani nyuwo ni yoonyesereriha ekina, sihikhanle paahi iyo sootthuneyaxa sinttharelana:

²⁹ Muhikhuure inama sooveleeliwa wa miluku sikina; muhiwure ephomaaya; muhikhuure enama ya asinama oonyopotoliwa mmilo, ni muhiraruwe. Mwasemba itthusene seiya, munoopaka nnene. Weera sootheene siweetteleni nnene!”

³⁰ Yaaraxenlaaya, asilopwana yaarowa wAntiyokiya weiwo yaathukumannaayawo ekerexa ni awo yaavaherera ekaratta.

³¹ Axunna yaasoma ni yaahakalalela ni maswaaya a olipiha murima.

³² Yudasi ni Sila, yaaritho maprofeeti, yaalipihera mirimasaya ni yaahaahakalaliha axunna ni masu mancipale.

³³ Eviraka ehuhu ekina weiwo, yaaraxeliwa ni axunna ni mareeliho a murettele, weera ehokoleele wa yaawo yaarumihale.

³⁵ Pawulotho ni Baranaba yaakhala wAntiyokiya weiwo vamoha ni ancipale akina yaaxuttihaaya ni yaalaleiyaaya masu a Apwiya.

Omwalamwala wa Pawulo ni Baranaba

³⁶ Eviraka ehuhu ekina, Pawulo aamweerela Barnaba: “Nihokolowe weera naaxekure axunna a isidade sootheene hiyo naalaleiyaahu masu a Apwiya, weera noone moota itthu sineettaaya.”

³⁷ Barnaba aatthuna omukuxa Yohaane iitthaniwatho Marku.

³⁸ Pawulotho aahuupuwela weera khawaatthuneya omukuxa ntoko mukhwiinyu, mulopwana owo aahiyale elapo ya oPanfiliya ni ahaapwaherenre okhala ni yaawo mmutekoni.

³⁹ Yaakhalano ohiiwanana vancipale moota wooweera yaamwalamwala. Barnaba, amurowanaka Marku, aalapuwa munikulani arowaka oKipro,

⁴⁰ mene Pawulo aamuthanla Sila ni, yaavahereriwa wa mahala a Apwiya ni mavekelo a axunna, enapwaha.

⁴¹ Vano yaavira oSiriya ni oSilisiya elipiheraka ikerexa.