Matheyo 15 - Emakhuwa Bible

Yeesu ni ekhovelelo ya aYuda

¹ Vano afarasi* akina ni anamawera a nlamulo* akina erweelaka oYerusaleemu yaarowa wa Yeesu ni yaamukoha:

² “Heeni oohuseraanyu ahiniiwelelaaya ekhovelelo ya asitokweene? Vano, khaannyawa matata ehinaaye oca.”

³ Yeesu aahaakhula: “Ni heeni nyuwo muhiniiwelelaanyu nlamulo na Muluku niwoko na ekhovelelowaanyu?

⁴ Vano Muluku eenre: ‘Mwaattittimihe atithinyu ni amayinyu,’ ni ‘yaawo anaalapha atithaya, hoye hoye amayaya, eniithorihiheliwe okhwa.’

⁵ Mukinatho aweerela atithawe, hoye hoye amayawe: ‘Sakhalaru sookhavihera nyuwo muneeraanyu mwaakhele wa miyo, ti yamahala yoovahiwa wa Muluku.’

⁶ Apaka yeeyo, nyuwo munnaakhulela weera owo khanyesererihiwa waattittimiha atithawe mooteene yoola. Hiiho nyuwo munkhootta masu a Muluku niwoko na ekhovelelowaanyu.

⁷ Anamwiixeera! Yesaya aahuuluma nnenesene sa nyuwo eeraka:

⁸ ‘Muloko ola onkittittimiha ni eyano paahi, mene mirimasaya siri ottaiwene wa Miyo.

⁹ Ankittottopela siiyoweene. Oxuttihawaaya ti ikano sooxuttihiwa ni atthu.’”

¹⁰ Yeesu aawiitthana atthu ancipale vamoha ni Yoowo ni aaweerela: “Mwiiwe ni mwiiwexexe!

¹¹ Kheehiyono yeeyo emvolowa mmwaano enimunanariha mutthu, mene yeeyo enkhuma mmwaano.”

¹² Vano oohuseraawe yaamwaattamela ni yaamukoha: “Moosuwela weera afarasi* yaari oonyoonyiweene yiiwalaaya yeeyo?”

¹³ Yeesu aawaakhula: “Mwiri wootheene Atithaka a wiirimu ahiphatteiyaaya, onuupheliwe ni mikwankhwaarisaya.

¹⁴ Mwaahiye, awo ari ahooleli oohoona. Oohoona mmoha amweettiha oohoona mukina, ooweeli anoomorela mulittini.”

¹⁵ Vano Pedru aamvekela: “Munithalihere yoolikanyiha ela.”

¹⁶ Yeesu aawaakhula: “Weeraka nlelo nyuwo khamuniiwexexa?”

¹⁷ Khamuniiwexexa weera yeeyo emvolowa mmwaano enrowa munipwiipwini ni vahoolowaya enooriheliwa mucumbusini?

¹⁸ Itthutho sinkhuma mmwaano sinrweela mmurimani, ni ti seiyo sinimunanariha mutthu.

¹⁹ Vano, wa mmurimani sinkhumelelaaya soowuupuwela soonanara, wiiva, oraruwa, olavilavi, wiiya, wootha ni waapa.

²⁰ Itthusene seiya sinimunanariha mutthu, mene oca woohinyawa khoonimunanariha mutthu.”

Nroromelo na muthiyana muKanaani

²¹ Avenyaka nipuro nne, Yeesu aarowa elapo ya oTiro ni oSidoni.

²² Muthiyana mmoha a oKanaani, owannyawe elapweene yeeyo, aahoorwa wa Yoowo akhuwelaka: “Apwiya, Mwaana a Davide, mukimorele ikharari! Mwanaka onnahaawa vancipale niwoko ookhalano munepa woonanara.”

²³ Yeesutho khaamwaakhunle. Vano oohuseraawe yaamwaattamela ni yaamudyoonttelela: “Mmoomole weera aroweke, niwoko ongwa akhuwelaka ottuliwahu!”

²⁴ Owo aawaakhula: “Miyo kirumiheliwe paahi ikhondoolo siriheiye sa oYixrayeli.”

²⁵ Muthiyana aahoorwa, aamukokhorela ni aamweerela: “Apwiya, mukikhavihere!”

²⁶ Owo aamwaakhula eeraka: “Khoonreera ovenxa yooca ya anamwane ni waavonyera alapwa.”

²⁷ Ole aamweerela: “Aani, Apwiya, mene mpaka alapwa animooca inyenyeeri simmora vameesa wa asineene a alapwa.”

²⁸ Yeesu aamwaakhula: “Muthiyana, ntokotoko nri nroromelonanyu. Okhale ntoko munghaawelaanyu.” Ni ehuhuweene yeele mwanawe aalamihiwa.

Yootikhiniha yanaaveeli ya ipaawu

²⁹ Yeesu aavenya vaavaale ni aarowa mukerekhere wa ephareiya ya oGalileiya. Aawela vamwaako mmoha ni aakilaathi.

³⁰ Atthu ancipale yaamwaattamela Yoowo, yaakuxaka atthu oorakala, oovulala, oohoona, oohuuluma ni ancipale akina, ni yaahaakilaathiha wa nyettoniwawe. Vano Owo aahaalamiha.

³¹ Muloko wa atthu waatikhina waawoonnaaya oohuuluma yuulumaka, oovulala elammeene, oorakala yeettaka, ni oohoona yoonaka. Yaamuttottopela Muluku a oYixrayeli.

³² Yeesu aawiitthana oohuseraawe eeraka: “Kinimwaamorela ikharari atthu ancipale ala, niwoko aakhala mahuku mararu vamoha ni Miyo ehicaaka. Nkintthuna owoomola ereene ni etala, niwoko eniikomoke mphironi.”

³³ Yaamwaakhula oohuseraawe: “Woowi nneeraahu niphwanye munikareni nna yooca yookwana waavaha atthu ancipale ala?”

³⁴ Yeesu aahaakoha: “Murino ipaawu ihayi?” Awo yaamwaakhula: “Ithannapiili, ni ihopa vakhaani”

³⁵ Yeesu aahaalamulela atthu ancipale weera ekilaathi vathi.

³⁶ Akuxaka ipaawu ithannapiili ni ihopa, aareeliha, anameiyanyiha ipaawu, anaavaha oohusera. Vano oohusera yaahaakawela atthu ancipale.

³⁷ Ootheene yaahooca ni yaavona, enattottanyiha oohusera mivithesene, soosareya mipapara mithannamiili.

³⁸ Yaale yaaciiye yaari asilopwana macira miloko mixexe, ehaalikeleliwaka athiyana, hoye hoye anamwane.

³⁹ Aalaxeraka atthu ancipale, Yeesu aavolowa munikulani ni aarowa elapo ya oMagada.