Matheyo 14 - Emakhuwa Bible

Ohitiwa wa Yohaane mpatisa

¹ Ehuhuweene yeele Herodi tetrarkha* a elapo ya oGalileiya aahiiwa soowuulummwa mwaha wa

² Yeesu, ni aahaaleela yaawo yaamurumeela: “Ole Yohaane mpatisa. Owo oovenyerera mookhwaani! Tivawo okhalannaawe ikuru soopaka sootikhiniha.”

³ Herodi aahaarumiha atthu weera emvare ni emutthuke Yohaane ni emuwalele yoowo mukaliposo,

⁴ niwoko Yohaane aamuleenlaawe Herodi weera khoontthuniheriwa okhala ni Herodiyas, amwaarawe munneiye Filipe.

⁵ Herodi aatthuna omwiiva Yohaane, mene aahoova muloko wa atthu, niwoko muloko ole wannamuttittimiha ntoko mprofeeti.

⁶ Vano, naaphiyalaaya nihuku Herodi uupuwelaawe oyariwawawe, mwaana a Herodiyas aahiina ohoolo wa atthu ootheene. Aasiveliwa vancipale Herodi, moota wooweera

⁷ aamuroromeliha vekhaikhai omvaha yeeyo mwaana ole aatthunaawe omvekela.

⁸ Amayawe yaamviriyela owo weera aamweerele mwene: “Mukivahe musasaanini muru wa Yohaane mpatisa.”

⁹ Mwene aathananiheiya vancipale, mene niwoko na olipela ni na oolattuliwa aalamula omvaha yeeyo aavekenlaawe.

¹⁰ Aalamula weera ahitiwe Yohaane mukaliposo.

¹¹ Muruwaawe waaheliwa musasaanini ni aavahereriwa mwaana ole, ni owo aarongha wa amayawe.

¹² Oohusera a Yohaane yaarowa ni yaakuxa erutthwaawe, ni yaavitha. Vano yaarowa omuleela yeeyo Yeesu.

Yootikhiniha ya ipaawu

¹³ Yeesu aakhenlaawe masu ale, aavenya munikulani ni aarowa vanipuroni na meekhaawe. Atthu ancipale esuwelaka yeeyo, yaavenya musidadeni ni yaamutthara yeettaka.

¹⁴ Yeesu avenyaka munikulani ni awoonaka atthu ancipale, aahaamorela ikharari yaawo ni aahaalamiha arettaaya.

¹⁵ Wiilaka, oohuseraawe yaamwaattamela Yoowo emweerelaka: “Nna ti nipuro na munikareni, ni oneera wiilaka. Ngweerele atthu ancipale ala weera eroweke mmittettheni yathumeke yooca.”

¹⁶ Yeesu aawaakhula: “Khoontthuneya orowa, mwaavahetho nyuwo etthu weera eceeke.”

¹⁷ Awo yaamweerela: “Va nrino ipaawu ithanu ni ihopa piili paahi.”

¹⁸ Yeesu aaheera: “Mukiwiihere va!”

¹⁹ Owo aahaalamulela atthu ancipale weera ekilaathiki vathi. Akuxaka ipaawu ithanu ni ihopa piili ni awehaka osulu wiirimu, aamutthapela Muluku ni aameiyanyiha ipaawu. Vahoolowaya aahaavaha oohuseraawe, enaakawela atthu ancipale.

²⁰ Ootheene yaahooca ni yaavona. Oohusera yaattottanyiha ni yaasariha mipapara muloko ni miili sa mivithe saahanle.

²¹ Yaaciiye yaari asilopwana ookwanaka macira miloko mithanu, ehaalikeliwaka athiyana ni anamwane.

Yeesu oneetta vasulu wa maahi

²² Vahoolowaya Yeesu aahaanyesereriha oohuseraawe weera evolowe munikulani ni erowe vahoolowawe okhopela, aalaxeraka Yeesu atthu ancipale.

²³ Aalaxerakaru atthu ancipale, aawela meekhaawe vamwaakoni weera avekele. Wiilalaaya, Owo aari meekhaawe.

²⁴ Vano, nikula naarakamela mukerekhere wa ephareiya, nimaniwaka ni mitekuteku niwoko epheyo yaahoopa erweelaka ohoolo wa nikula.

²⁵ Oyaaka ni oxa Yeesu aarowa wa yaawo, eettaka vasulu wa ephareiya.

²⁶ Yaamoonnaaya Yeesu eettaka vasulu ephareiya, yaahoova vancipale yeeraka: “Ti namanxepaani”! Yaakhuwela ni woova.

²⁷ Yeesutho aaweerela woowaakuveya: “Mulipiheke mirimasanyu, ti Miyo! Muhoove!”

²⁸ Pedru aamweerela: “Apwiya, mwaari ti Nyeenyu, mukilamule weera kirwe kookumananeni vasulu wa maahi.”

²⁹ Yeesu aamwaakhula: “Ngweeke!” Vano Pedru aakhuma munikulani, aneetta vasulu wa maahi, anarowa wa Yeesu.

³⁰ Oonnaawe epheyo weera yaari yoolipaxa, aahoova ni apaceraka oneela, aakhuwela: “Apwiya, mukivuluxe!”

³¹ Woowaakuveya Yeesu aahookola moonowaawe ni aamvarela, eeraka: “Mulopwana a nroromelo vakhaani! Heeni nyuwo muhovenlaanyu?”

³² Evolowakaru munikulani, epheyo yaamaala.

³³ Awo yaari munikulani mmwe yaanimuttottopela Yoowo yeeraka: “Vekhaikhai, Nyuwo ti Mwaana a Muluku!”

³⁴ Elapuwakaru ephareiya, yaaphiya oGenesarete.

³⁵ Atthu a elapweene yeele emusuwelaka Yeesu, yaamwaramwaxa masu mmittettheni sootheene sa mukerekhere, ni yaangwiihera arettaaya.

³⁶ Yaamudyoonttelela weera aretta etave paahi ikuwosawe. Ootheene yaamutamve yaalamihiwa.