Masu a Miruku 9 - Emakhuwa Bible

Efesta ya miruku

¹ Miruku sooteka empaaya; sohaareherera amarimbwaaya athanneeli.

² Soowiiva axinama oowaarera, sohootowela eviinyuwaaya, sinareherera meesa.

³ Sohaarumiha arumeiyaaya athiyana oolattula okhuma vanipuroni na osuluxa wa esidade, ekhuwelaka:

⁴ “Oohisuwela ootheene murwaase! Wa yaawo ahinono muupuwelo wooreera ongweerela:

⁵ “Murwaase muce yoocaaka ni ngwure eviinyu kootowenlaaka.

⁶ Muhiye iphirosanyu soohuupuwela, ni nyuwosa munookhalano okumi; mukuxere ephiro ya wiiwexexa.

⁷ Yoowo onimookolela namatthebwa onimwiiruwaniha; yoowo onimuhiiha mutakhali onimwaakhela onyoholiwa.

⁸ Muhimuhiihe namatthebwa weera owo ahoothanyeni; munghiihe musuweli, ni owo onimoosivelani.

⁹ Munxuttihe musuweli, ni owo onookhalaxatho musuweli; munxuttihe oororomeleya, ni owo onimwaandyeerera osuwelawawe.

¹⁰ Omoova Yave ti mathipelo a miruku, ni omusuwela Oottela ti okhalano wiiwexexa.

¹¹ Mwa Miyo mahukwaanyu animwaandyeerereya, ni ehuhu ya okumaanyu enoopwaherera.

¹² Nyuwo mwakhala musuweli, weetteleya nnene onookhala wawinyu; mwakhala namatthebwa munimwiihaawihera.

¹³ Muthiyana oololo ti oowuunguruma, oohuupuwela nnene ni oohimiruku.

¹⁴ Akilaathiyeene vamulako wa empaawe, nipuro na osuluxa wa esidade,

¹⁵ onaakhuwelela amvirawo, erowaka ankelaayawo:

¹⁶ “Murwe ootheene nyuwo oohisuwela!” Wa yaawo ahinono muupuwelo wooreera ongweerela:

¹⁷ “Maahi oowiiyiwa ti oocoocowa, ni yooca enciwa wiiphiini ti yoosiva!”

¹⁸ Vaheera awosa khaansuwela weera iwe ori okhwa, aani, weera oolattuliwaaya ari moowiixera mwa nihiye.