Masu a Miruku 5 - Emakhuwa Bible

Wooperera mwaha wa ohitteela ni oraruwa

¹ Mwanaka, owiriyane mirukusaka, otheteye maaru weera wiiwexexe olakawaka wooreerela.

² Hiiho weyo onookhalano muupuwelo wooreera, ni iyanosawo sinoothokorora esuwelo.

³ Vano iyano sa muthiyana ooraruwa sinaama oravo; nsunawe ti noosivaxa opwaha makhura,

⁴ vaheera ommaleloni iyanosawe ti soowaawa ntoko wamwe, soosongowa ntoko ekatana yoowiitha ninno ninno.

⁵ Inaawosawe sinkhuruwela mookhwaani; malipaawe animurongha munihiyeni.

⁶ Owo khansuwela weera oneetta mphironi sookhoromana, ni khanoona weera ephirowaawe ti yoohilipaxa.

⁷ Vanonto, mwanaka, okiiwe, ohihapuwe mmasunimwaka.

⁸ Omurakamele muthiyana owo; ohikhuveele mulako wa empaawe,

⁹ weera weyo ohaavahe akina ikurusawo, hata okumaawo wa mutthu mukina oowuuma murima,

¹⁰ ni weera atthu oohisuwanyeya ehivone sa mutekwaawo ni akina ehithadyirele wiilipihawawo.

¹¹ Ommaleloni wa okumaawo weyo onimwiipulela, ni erutthwaawo yootheene enookhala yoomalamaleene.

¹² Weyo ngweere: “Moota kaathanyaaka olakiwa! Moota murimaaka waakhoottaaya ohiihiwa!

¹³ Nkiwiiwelenle ahusihaaka, hata nkaapwantthe yaale yaakixuttiha.

¹⁴ Koophiya muxerexere wa ophwatiwa woomalela, muloko wootheene woonaka.

¹⁵ Owure maahi a muttankhinimwawo xaxaxa, maahi ampiluwa muhimenimwawo.

¹⁶ Ngwaahiyere heeni anaattuuttwaawo emwareelaka mmiseweni, ni maxaapwaawo mmapuwani?

¹⁷ Awo ekhale paahi awawo, ohikawaneru ni oohisuwanyeya akina.

¹⁸ Areelihiwe naattuuttwaawo! Omuhakalalele muthiyana omuthenlaawo woomiravoniwawo –

¹⁹ naahe oosiveleyaxa, eveyado* yooyevela; mapele a mwaariyo yoovonihe ni ohakalala, ni mahuku ootheene okuxakuxiwe ni osivelawawe.

²⁰ Mwanaka, onkuxakuxeriwa heeni ni muthiyana ooraruwa? Onkhubaarela heeni mapele a mwaara a mukina?

²¹ Yave onoona iphiro sa mutthu ni ongwehaweha malipaawe ootheene.

²² Sootakhala sa mutakhali sinnaphariha munraakhoni; owo onthatuwa namatthukiwa mmikhoyini sa sootthekasawe.

²³ Vekhaikhai anaakhwele ohilakeyawawe; ahapuxiwaka ni ololowaawe xaxaxa.