Masu a Miruku 19 - Emakhuwa Bible

¹ Fataari oohaawa onkhala moororomeleyani ohikhanle mulolo onuuluma moota woonanara.

² Khoonreera okhalela nthiti ohikhalanne miruku, hata ocereenga ni oyeleela ephiro.

³ Ti ololo wa mutthu onghela nthala okumaawe, vaheera murimaawe onimunyoonyeriwa Yave.

⁴ Muhakhu onaaruuha asinthamwene ancipale, vaheera mpaka nthamwene a oohaawa onoomuhiya.

⁵ Namoona oowootha khakhala oohittaruxiwa, ni yoole ommwaramwaraxa soowootha khavenya ootapuxeyeene.

⁶ Ancipale ammweepesa mulamuli, ni ootheene ti asinthamwene a yaale amvaha soovaha.

⁷ Oohaawa khanooneliwamo ni amusaawe ootheene, wootepaxa ni asinthamwenaawe! Naari owo awaasaka weera aavekele ekhavihero, khanaaphwanyaru.

⁸ Yoowo orino miruku onniisivela; yoowo onoonelamo wiiwexexa sinoomweettela nnene.

⁹ Namoona oowootha khakhala woohittaruxiwa, ni yoole ommwaramwara soowootha onooriheya.

¹⁰ Khoonreerela mulolo okhala mmihakhuni; wootepaxa murumeiyi aalamulaka anamwane asilopwana a mwene!

¹¹ Miruku sa mutthu sinimvaha ovilela; ovuwawawe ti ohipwatthela oveihiwa.

¹² Isara sa mwene siri ntoko murika wa mwatto, vaheera onnenaawe ori ntoko nikame mmalaxini.

¹³ Mwaana mulolo ti oheleya nthala wa atithawe, ni mwaara ooxupa ti ottonya wa maahi oohihiyerera.

¹⁴ Impa ni mihakhu sinaakheliwa wa asitiithi, vaheera mwaara orino miruku onrweela wa Yave.

¹⁵ Oreesi onruuhela okonaxa, ni nooreesi omvoliwa etala.

¹⁶ Yoowo oniiwelela malamulo onuurela okumaawe, vaheera yoowo ohinoonelamo iphirosawe onimookhwa.

¹⁷ Yoowo onaapwattha oohaawa ommooliha Yave, ni Owo onoomutthuvela.

¹⁸ Munlake mwaninyu, niwoko mwa yeeyo wookhala oweherera; muhihaawele okhwawawe.

¹⁹ Mutthu oosareya isara ontthuneya omuttaruxa, nyuwo mwamuurela, ontthuneya omuurelatho.

²⁰ Mwiiwe ikano ni mwaakhulele oxuttihiwa, ni munookhala musuweli.

²¹ Vamurimani wa mutthu sookhala soovaanela sincipale, vaheera ompwaherera ti olakawawe Yave.

²² Enghaaweleya wooneya muntthuni ti osivela woororomeleya; fataari okhala oohaawa ohikhanle namootha.

²³ Omoova Yave onrongha wookumini: Yoowo ommoova onoowera wiitthuuwa mmuretteleni, ahikhalanaka milattu.

²⁴ Nooreesi onghela ntata nsasaanini, ni khangwera orongha owanoni!

²⁵ Mungwaxule namatthebwa, ni oohisuwela anooxuttera miruku; munghiihe naseru, ni owo onookhalano esuwelo.

²⁶ Mwaana ongwiiya atithawe anawoomola amayawe ti namatannyera wuuliha muru ni overuleya.

²⁷ Nyuwo mwahiyerera wiiwa mahusiho, mwanaka, munimwiirakameliha masu amvaha esuwelo.

²⁸ Namoona oowootha ontthebwa ekhaikhai, ni eyano ya atakhali emmira sootakhala.

²⁹ Mattaruxo aareherereliwa anamatthebwa, ni ikwamba soowaxuleliwa alolo.