Masu a Miruku 13 - Emakhuwa Bible

¹ Mwaana musuweli oniiwelela mahusiho a tiithi, vaheera namatthebwa khaniiwa ohiihiwa.

² Mutthu onaakhela mureerelo mwa soowiima sa eyanowaawe, vaheera oohiroromela anghaawela nipuhero.

³ Yoowo onthokorora eyanowaawe onthokorora okumaawe, vaheera namuulumaxa onimweera wiihela nthala.

⁴ Nooreesi onnihaawela, mene kheewo omphwanyaawe, vaheera soohaawela sa anamavara muteko sinookwaniheriwa woomalela.

⁵ Oororomeleya anthanya yoohikwanakwana, vaheera atakhali anruuha wuuliha muru ni erisa.

⁶ Ekhaikhai enimukosoopa mutthu ookwanela, vaheera sootakhala sinimphwata namattheka.

⁷ Mukina oniixeera thadyiri ahikhalanaka etthu; mukinatho oniixeera oohaawa, areeneno mihakhu sincipale.

⁸ Mihakhu sa mutthu simvareleya muteko woowoopolela okumaawe, vaheera namahaawa khaniiwaru woopopihiwa.

⁹ Waara wa oororomeleya onnamwaleelaxa, vaheera yoomwaleela ya atakhali enoocipha

¹⁰ Wiixoona ongyara minyakunyaku, vaheera miruku siri ni yaale aniiwa olakiwa.

¹¹ Musurukhu omphwanyiwa moohiroromeleyani onoovukuwa, vaheera yoowo onthukumanya vakhaani vakhaani onookhalanaxa.

¹² Oweherera woopisa ontannyera ovoreya murima, vaheera ohaawela wookwaniheriwa ti mwiri wa okumi.

¹³ Yoowo onderera ohusihiwa onoolivelano, vaheera yoowo onttittimiha nlamulo onootthuveliwa.

¹⁴ Nihusiho na asuweli ti naattuuttu a okumi, ni nnimuhapuxa mutthu mmiraakhoni mwa okhwa.

¹⁵ Mwiiwexexo wooreera ongwina nttittimiho, vaheera ephiro ya oohiroromeleya kheempwaherera.

¹⁶ Atthu ootheene arino miruku aneetta ettharihaka esuwelo, vaheera mulolo onoonihera ololowaawe.

¹⁷ Namutthenga ootakhala ommorela mmakacamihoni, vaheera oororomeleya onruuha olama.

¹⁸ Yoowo ohinoonelamo olakiwa ommorela moohaawani ni ngwuulihiheyani muru, vaheera yoowo oniiwelela ohiihiwa onaakhela opwatthiwa woottittimiheya.

¹⁹ Ohaawela wookwaniheriwa onsiveliha okumi, vaheera mulolo onkhootta ohiya yoonanara.

²⁰ Yoowo oneetta ni asuweli ompwaherera okhala musuweli, vaheera mukhwaaya alolo ommalela moonanarani.

²¹ Erisa enimuttharatthara namattheka, vaheera weetteleya nnene ti ntthuvelo na oororomeleya.

²² Mutthu a nnene onghiyera yoohiyeriwa osuuluwaawe, vaheera mihakhu sa namattheka anthokororeliwa oororomeleya.

²³ Ematta ya oohaawa ennaruweraxa yooca, vaheera engyeleeliwa niwoko na ohiroromeleya.

²⁴ Yoowo onkhootta omuttaruxa mwanawe khanimusivela; vaheera yoowo onimusivela khanghovela omuttaruxa.

²⁵ Oororomeleya onca mpaka ovona, vaheera atakhali ampwaherera oovoliweene.