Luuka 23 - Emakhuwa Bible

¹ Vano, muthukumano wootheene waaheemela ni waamurongha wa Pilatu.

² Yaapacera omoothera yeeraka: “Noomphwanya Mulopwana Ola ananarihaka mulokwaahu. Owo onkhoottiha oliva musoko wa Seesari ni oneera weera ori Kristu, Mwene mmoha.”

³ Pilatu aamukoha Yeesu: “Nyuwo Mwene a aYuda?” Yeesu aamwaakhula: “Ti hiiho.”

⁴ Vano Pilatu aaweerela ahooleli a asaserdoti* ni atthu ancipale: “Nkimphwanya nthowa na omoothera Mulopwana Ola.”

⁵ Vano awosa yannatepa onyeserera yeeraka: “Owo onnasesera muloko wa oYudeiya wootheene ni mahusihowaawe. Aapacenre oGalileiya ni oophiya mpaka nno.”

⁶ Iiwaka yeeyo, Pilatu aakoha weera Yeesu aari muGalileiya.

⁷ Aasuwenlaawe weera Yeesu aari a elapo yaalamuliwa ni Herodi, aamurumiha wa Herodi aaritho oYerusaleemu mahukweene yaale.

⁸ Herodi amoonaka Yeesu, aahakalalaxa, niwoko okhuma khalayi aatthuna omoona. Niwoko na seiyo iiwalaawe suulummwaka sa Yoowo, Herodi aaweherera omoona apakaka yootikhiniha.

⁹ Aamukohakoha ni sookoha sincipale, mene Yeesu khamwaakhunle.

¹⁰ Ahooleli a asaserdoti* ni anamawera a nlamulo* yaari weiwo, emootheraxaka Yoowo.

¹¹ Vano Herodi ni anakhottwaawe yaamveiha ni yaamutheiya. Engwarihaka mukaandyo wooreera, yaamuhokoloxera wa Pilatu.

¹² Ahinaaye, Pilatu ni Herodi yaari oowiittana, vano nihuku nne yaapakana onthamwene.

¹³ Pilatu aahaathukumanyiha ahooleli a asaserdoti*, atthu anlamula nitho muloko,

¹⁴ aweerelaka: “Nyuwo mookiruuhela Mulopwana Ola ntoko mukina onsesera muloko wa atthu weera owane. Miyo koomukohakoha Yoowo vamaithoniwanyu, ni nkiphwannye nthowa na soowoothera munimpakelaanyu.

¹⁵ Hiihotho Herodi, niwoko owo oonihokoloxera hiyo. Ntoko munoonaanyu, khapanke etthu yoophwanela okhwa.

¹⁶ Tivawo, miyo kinoomuttaruxa, ni vahoolo kinoomutaphula.

¹⁸ Ni nsu nimoha awo yaakhuwela: “Mmwiive Owo! Munitaphulele Baraba.”

¹⁹ Baraba aawaleliwa mukaliposo niwoko aasesera muloko owana musidadeni, nitho niwoko na wiiva.

²⁰ Ahaawelaka omtaphula Yeesu, Pilatu aahuulumatho ni muloko wa atthu.

²¹ Vano awosa yaapwaherera okhuwela: “Munkhomele! Munkhomele!”

²² Emaara yanaararu Pilatu aaweerela: “Niwoko heeni? Etthu yoonanara heeni Mulopwana Ola opankaawe? Nkiphwannye mwa Yoowo naari etthu yoophwanela okhwa. Kinoorumiha omuttaruxa, ni vahoolo kinoomutaphula.”

²³ Mene awosa yannatepa omvekela ni sookhuwela sitokotoko weera Yeesu akhomeliwe, ni okhuwelawaya waawina.

²⁴ Vano Pilatu aalakela waapakela yeeyo yaatthunaaya.

²⁵ Aamutaphula mulopwana aari okaliposo niwoko na osesera ni wiiva, yoole awo yaamvekenlaaya, ni yaamwinnyerera Yeesu wa otthunawaya.

Othomeiwa

²⁶ Emuronghaka Yeesu, yaamvara Simeyoni oSireene ahokolowaka omatta ni yaamuthateliha muttanda, emunyesererihaka weera akuxe muttanda ottuli wa Yeesu.

²⁷ Atthu ancipale yaamutthara, vamoha ni asithiyana yaalalaminke ni yaamwiinlenle Yoowo.

²⁸ Yeesu aahaarukunuwela ni aaweerela: “Asithiyana a oYerusaleemu, muhikiinlele Miyo, mwiixiinleleketho asineenaanyu ni anamwaniinyu,

²⁹ niwoko eniiphiye ehuhu muneeraanyu mweere: “Ooreelihiwa yaale oohiyara, maphwanya ahitonko oyara ni mapele ehinaamwiwe!

³⁰ Vano, mmweerele nyaako: ‘Munipittuwele’ ni wa mattumuxa: ‘Munikhuneele.’

³¹ Awo yapaka yeeyo ni mwiri mukithi, eniikhumelele eheeni mwiri ole wuumaka?”

³² Ni atakhali eeli akina yaakuxiwatho ni Yoowo weera yiiviwe.

³³ Yaaphiyalaaya vanipuroni niitthaniwa Nikarakasa, yaamuthomeya vamoha ni atakhali ale – mmoha moono mulopwana ni mukina muthiyana.

³⁴ Yeesu aaheera: “Tiithi, mwaalevelele, niwoko khaansuwela yeeyo ampakaaya.” Vano yaakawana ikuwosawe empakaka mwaathanle.

³⁵ Muloko wa atthu waari vaavaale owehexexaka ni asitokweene anlamula yannamutheiya yeeraka: “Aahaavuluxa akina. Aari Kristu a Muluku, Oothanliwa, iivuluxe muneenaawe.”

³⁶ Anakhotto emwaattamelaka, yaamutheiyatho. Emvahaka eviinyu yoonyuunya,

³⁷ yaamweerela: “Waari mwene a aYuda, wiivuluxe muneenaawo.”

³⁸ Vano, yaakhala yoolempwa vasuluwaawe: OLA MWENE A AYUDA.

³⁹ Mmoha a atakhali aathomeiwe ni Yoowo, aamuruwana eeraka: “Weyo khoohiyono Kristu? Wiivuluxe muneenaawo, ni hiyotho.”

⁴⁰ Mutakhalitho mukina aamuhiiha mukhwaawe eeraka: “Weyo khoommoova Muluku, weenre waakhelaka nthorihelo nimoharu?

⁴¹ Hiyo ninttaruxiwa ni ekhaikhai, niwoko nnaakhela yeeyo mitekosahu simphwanelaaya. Mene Mulopwana Ola, kheewo opankaawe yoonanara.”

⁴² Vano aamweerela: “Yeesu, mukuupuwelele miyo mwaavolowaka moomwenenimwanyu.”

⁴³ Yeesu aamwaakhula: “Miyo kinoororomelihani: Olelo mmwikhale ni Miyo mParadisu*.”

Okhwa wa Yeesu

⁴⁴ Yaari wookwanaka ewoora ya ophiya nsuwa vamuru, ni epiphi yaakhuneela elapo ya vathi yootheene wa iwoora tthaaru.

⁴⁵ Nsuwa naahiya woopa, ni ekuwo etokotoko ya Empa ya Muluku yaahaahuwa variyari.

⁴⁶ Yeesu aakhuwelaxa: “Tiithi, kinoovahererani munepaaka mmatatanimwanyu.” Eerakaru hiiho, aahookhwa.

⁴⁷ Vano kenturiyoni*, oonaka seiyo seereiye, aamuttottopela Muluku eeraka: “Vekhaikhai, Mulopwana Ola aari a ekhaikhai.”

⁴⁸ Muloko wa atthu wootheene waathukumanne weera woone yookhumelela, woonaka yeeyo, waapacera omana ekakasa ni osusa.

⁴⁹ Ootheenetho yaamusuwenle, mpaka asithiyanatho yaamutthara okhuma oGalileiya, yaari ottaiwene, ewehexexaka itthu iye.

Ovithiwa wa Yeesu

⁵⁰ Aakhala mulopwana mmoha iitthaniwa Yoseefe, mmoha a eSineedriyu*. Aari mulopwana ooreera murima ni oororomeleya,

⁵¹ ahaakupaleenle ni yoolakela ya akina a eSineedriyu*, naari ni yeeyo yaapankaaya. Aari a esidade yiitthaniwa Arimateiya oYudeiya, ni aaweherera omwene wa Muluku.

⁵² Arowaka wa Pilatu, aamvekela muttembo wa Yeesu.

⁵³ Vano aakuruxa vamuttandani, aavitikelela ni esaanda ni aahiikaathi munihiyeni naathimpwe vamwala mwemmo nlelo khaatonke ovithiwa mutthu.

⁵⁴ Naari nihuku na oreherera, ni naahanle vakhaani opacera nihuku na eSaabadu.

⁵⁵ Asithiyana yaamutthara Yeesu okhuma oGalileiya, yaamutthara Yoseefe ni yaahoona nihiye ni moota yaavithiwaayamo erutthu ya Yeesu.

⁵⁶ Vano yaarowa owaani ni yaareherera makhura ni itthu sikina soowunkhelaxa. Yaahiitthuuwa eSaabadu ntoko yaalamuliwaaya.