Icipo 9 - Emakhuwa Bible

Wa mutokweene a icipo; yiipiwa ettharihiwaka ecipo eniitthaniwa Okhwa wa Mwaana. Ecipo ya Davide.

¹ Yave, kinimoottottopelani Nyuwo ni murimaaka wootheene; kinoolaleiya sa sootikhinihasanyu sootheene.

² Kinoohakalala ootteeliweene mwa Nyuwo; kinimwiipa icipo soottottopela Nsinananyu na musulusulu.

³ Amwiittanaaka yaahokolowaka, anookwattuliwa, enaphwatiwa.

⁴ Mohaakiha mulattwaaka wa ekhaikhai; mookilaathela ehicaanyu muthorihaka ni ekhaikhai.

⁵ Moohiiha miloko munaaphwata atakhali; moocipiha masinaaya wa mahuku ootheene.

⁶ Milepe soohimala sohaaphiyera amwiittana; Nyuwo moophwata isidadesaya ni khaawo ongwuupuwelelaru.

⁷ Yave onlamula wa mahuku ootheene; Owo ookhaliha ehicaawe weera athorihe.

⁸ Owo muneenaawe onthoriha elapo ya vathi moota woororomeleya; onlamula miloko mweekhaikhaiyini.

⁹ Yave ti wootthawelamo wa oohooxiwa; Nipuro Noolipihiwa mweehuhuni ya makacamiho.

¹⁰ Yaale ansuwela Nsinananyu animoororomelani, niwoko Nyuwo, Yave, khamurwa mwaahiya angwaasani.

¹¹ Mmwiipele Yave icipo sa ottottopela – Yoowo onkhala oSiyoni; mulaleiye variyari wa miloko seiye opankaawe.

¹² Yoole oniinlela ikukuttula onimuupuwelela; Owo ompwattha okhuwela wa oohasuliwa.

¹³ Ii! Yave, moone moota ankihasulaaya yaale ankittharatthara! Mukimorele ikharari ni mukivuluxe vamulako wa okhwa

¹⁴ weera kilaleiye ottottopeleyawanyu vamulako wa Mwaana Muthiyana a oSiyoni kahakalalelewo ovuluxawanyu.

¹⁵ Miloko soomorela munlittini sithimpaaya; inaawosaya soophariheya mutthavini sireiyaaya.

¹⁶ Yave ohiixoonihera ni ekhaikhai; atakhali aapharihiwa muntaphanimwaya. Higayoni* Sela*

¹⁷ Atakhali ankhwa; hiihotho miloko sootheene sinimuttiwala Muluku.

¹⁸ Wa soothesene, oohaawa kheerwa ettiwaliwa wa mahuku ootheene, hata oweherera wa oohasuliwa khooyeleeleya.

¹⁹ Mvenye, Yave, muhitthunihere weera akhalaru mutthu awine; miloko sithorihiweke vamaithoniwanyu.

²⁰ Mutannyere seiyo woova, Yave; miloko sisuweleke weera siri atthu paahi. Sela*