Icipo 89 - Emakhuwa Bible

Ecipo ya miruku ya Etani, ngwEzerahi.

¹ Kinimwiipa ehuhu yootheene sa osivela otokotoko wa Yave; kinoolaleera ni eyanowaaka ororomeleyawanyu ikhapira sootheene.

² Koosuwela weera osivelawanyu ompwaherera woolipeene wa mahuku ootheene ni weera ororomeleyawanyu moolipiha wiirimu.

³ Mweenre: “Koopaka wiiraana ni oothanliwaaka; koomuroromeliha murumeiyaaka Davide ni nlipelo:

⁴ ‘Kinookhaliha ekhapiraanyu wa mahuku ootheene kilipihaka omwenaanyu wa ikhapira soohimala.’ ”

⁵ Munthukumanoni wa ootteela wiirimu onttottopela sootikhinihasanyu Yave, nitho ororomeleyawanyu.

⁶ Vano taani a wiirimu iwo oomulikanxera Yave? Taani a ikhalelo sa wiirimu onlikana ni Yoowo?

⁷ Munthukumanoni wa ootteela, Muluku ti oowooveya; Owo ti oowoopiha waapwaha ootheene amurukureenre.

⁸ Ii! Yave Muluku a ikuru sootheene, khawowo onlikana ni Nyuwo. Ii! Yave, Nyuwo ti a ikuruxa ni ororomeleyawanyu wohoorukureerani.

⁹ Nyuwo munlamula ephareiya yoowali; yakhala ni mitekuteku, Nyuwo munnamaaliha.

¹⁰ Nyuwo moomuswanya munamwiiva ntutu a mphareiya; mohaamwaramwaxa amwiittanaanyu ni moonowaanyu woolipaxa.

¹¹ Wiirimu ti wawinyu ni hiihotho elapo ya vathi; moopaka elapo ni sootheene sirimo.

¹² Moopattuxa ottuttuwani ni ohitto; oTabori ni oHeremoni oniipela ni ohakalala Nsinananyu.

¹³ Moonowaanyu woosareya ikuru; ntatananyu ti noolipaxa; moonowaanyu woolopwana ti woovuwihiwa.

¹⁴ Ororomeleya ni ekhaikhai ti mathipelo a ehicaanyu ya emwene. Osivela ni ororomeleya onrowa ohoolowanyu.

¹⁵ Wooreelihiwa ti muloko onxuttera wookhuwelelani Nyuwo ni oneetta ngwaarani mwa okhalawanyu, Yave.

¹⁶ Owo onghakalalela Nsinananyu ehuhu yootheene ni omvuwiha ororomeleyawanyu.

¹⁷ Vano Nyuwo ti ovuwawaya ni ikurusaya; niwoko na okhalawanyu mpattaahu hiyo noolipihiwa.

¹⁸ Vekhaikhai exikudwaahu ti ya Yave; Ii! Ootteela a oYixrayeli, Nyuwo ti Mwenaahu.

¹⁹ Khalayi mwaaheera mmooneloni mweerelaka mulokwaanyu woororomeleya: “Koomusariha ikuru namawana ooweraxa; koomvuwiha oothanliwa variyari wa muloko.

²⁰ Koomphwanya murumeiyaaka Davide; koomuttikitthelano makhuraaka ootteela.

²¹ Ntananaka nnoomukhavihera; moonowaaka onoomulipiha.

²² Khawoworu mwiittana anaamunyesererihe oliva musoko; khawoworu oohiroromeleya anaamuhasule.

²³ Kinimwaahonona amwiittanaawe vamaithoniwawe ni kinoowiiva awananaawe.

²⁴ Osivelawaka woororomeleya onoomuhoola ni ikurusawe sinoovuwihiwa niwoko na Nsinanaka.

²⁵ Kinooweriha ntananawe weera alamule mpaka ophareiya, aani ntatanawe noolopwana mpaka nnyoolokoni.

²⁶ Owo onookeerela: ‘Nyuwo ti Atithaka, Mulukwaaka, Mwala ni Mvuluxaaka.’

²⁷ Miyo kinoomukhalihatho Ntthaaranaka, oottittimihaxiwa waapwaha mamwene a mulaponi.

²⁸ Omusivelawaka onoopwaherera wa mahuku ootheene ni wiiraanawaka ni yoowo khoorwa omala.

²⁹ Kinookhaliha ekhapiraawe wa mahuku ootheene ni ehicaawe ya emwene enoopwaherera mpaka khalayi.

³⁰ Anamwanaawe yahiya nlamulonaka ehittharaka ikanosaka;

³¹ awosa yavirikanyiha soolamulasaka ehipwatthaka sootthunasaka,

³² kinimwaalaka ni ekopo ni sootapanyasaya ni ekwamba.

³³ Vaheera nkivenxa mwa yoowo osivelawaka hata nkirwa kihiya ororomeleyawaka.

³⁴ Nkivirikanyiha wiiraanawaka hata nkinceendya soororomeliha sa iyanosaka.

³⁵ Koomala kilipenlaaka mootteelanimwaka, ni nkimulokottha Davide,

³⁶ weera ekhapiraawe enoopwaherera wa mahuku ootheene ni ehicaawe ya emwene enoolekela mpaka khalayi.

³⁷ Eyo enookhalihiwa wa mahuku ootheene ntoko mweeri ori namoona oororomeleya wiirimu.”

³⁸ Vaheera Nyuwo moomukhootta, moomuramusa, moomunyoonyeriwaxa oottikittheliwaanyu.

³⁹ Mooruwana wiiraana ni murumeiyaanyu ni mohuupuruxa ecireembaawe.

⁴⁰ Mookurumula ixirisawe sootheene, munahela nthala moolipamwawe.

⁴¹ Ootheene amviraru annamuhuhula; owo oothatuwa mutheelelo wa aximwaattamanaawe.

⁴² Moovuwiha ntata noolopwana na amwiittanaawe; mohaahakalalihaxa awananaawe ootheene.

⁴³ Mooturiha ekatanaawe ni khamunimukhavihera mukhottoni.

⁴⁴ Moomaliha waarawawe ni mohuupuruxa ehicaawe ya emwene.

⁴⁵ Moovukula mahuku a emirawaawe moomukhuneelano mukaandyo woowuuliheya muru.

⁴⁶ Ii! Yave, mpaka yaakhani? Munimwiivithavitha mahuku ootheene? Mpaka yaakhani isarasanyu sineeraaya sihise ntoko mooro?

⁴⁷ Muupuwelele moota okumaaka omviraaya woowaakuveya. Okhala wa omutthu khoomuteko!

⁴⁸ Khawoworu mutthu onkhala ni okumi ahinakhwa hata oniitapuxa mwa ikuru sa nihiye. Sela*

⁴⁹ Ii! Yave, ori woowi osivelawanyu wa khalayi, mwa weiwo mwaamuroromelinghaanyu ni nlipelo Davide moororomeleyanimwanyu?

⁵⁰ Ii! Yave, muupuwelele moota murumeiyaanyu otheiwalaawe; matthebwa owo omvilelaawe wa miloko sootheene;

⁵¹ wa matthebweene yaawo a amwiittanaanyu, Yave, animuhooxano khula nlipa na oottikittheliwaanyu.

⁵² Yave atthapeliwe wa mahuku ootheene! Ame* ni Ame*.