Icipo 75 - Emakhuwa Bible

Wa muhusiha a icipo. Ecipo entthara moota woowiipa oniitthaniwa “Muhiphwate” Ecipo ya Asafi.

¹ Ii! Muluku, nnootthapelani Nyuwo, nnootthapelani, niwoko Nsinananyu nri vakhiviru; ootheene anuuluma sa mitekosanyu sootikhiniheya.

² Nyuwo muneera: “Miyo kinthanla ehuhu kineeraaka kithorihe ni ekhaikhai.

³ Elapo ya vathi ni milokosaya sootheene saatetereyaka, ti Miyo kinlipiha mathipelowaaya. Sela*

⁴ Wa atthu oowiixoona kingweerela: ‘Muhiixoonetho’ ni wa atakhali: ‘Muhikhale anamavaanya.’

⁵ Muhiikuxerere hata muhuulume ni wiixoona!’ ”

⁶ Khawowo okhuma ninkhuma nsuwa naari ninkela nsuwa hata onikareni ongwera omvuwiha mukina.

⁷ Ti Muluku onthoriha. Mmoha Owo onoomuyeviha ni mukina onoomvuwiha.

⁸ Mmatatani mwa Yave yookhalamo ekoomixi yoosareya eviinyu yooxaxa ni yoothiteliwa; Owo ommiinela vathi ni atakhali ootheene a elapo ya vathi angwura mpaka nttonyo noosinsa.

⁹ Wa miyo, kinoolaleiya itthu iya mahuku ootheene; kinoomwiipela Muluku a Yakobe icipo soottottopela.

¹⁰ Muluku oneera: “Kinoophwata owera wa atakhali, vaheera ikuru sa oororomeleya kinimwaandyeerera.”