Icipo 71 - Emakhuwa Bible

Nivekelo wa ekhavihero.

¹ Kootthawela mwa Nyuwo, Yave; muhitthunihere weera kikhale ooyevihiwa.

² Mukivuluxe ni mukoopole moororomeleyanimwanyu; mukiiweke ni mukivuluxe.

³ Mukhaleke Mwalaaka wootthawelamo kineeraaka kivireru. Mulamulele weera kivuluxiwe niwoko Nyuwo ti Mwalaaka ni Wootthawelawaka woolipa.

⁴ Ii! Mulukwaaka, mukoopole mwa matata a atakhali; mwa ovara wa atthu a murima woonanara ni woowuuma.

⁵ Ii! Yave onlamula sootheene, Nyuwo muri owehererawaka, ororomelawaka okhuma enamwanaaka.

⁶ Okhuma oyariwawaka kohoororomelani Nyuwo; Nyuwo mookikhumiha mmirimani mwa amayaka. Kinimoottottopelani wa mahuku ootheene.

⁷ Koothatuwa ethoonyero wa ancipale, niwoko Nyuwo ti Wootthawelawaka woolipaxa.

⁸ Eyanowaaka yoosareya woottottopelani; kinlaleiya ovuwawanyu ehuhu yootheene.

⁹ Muhikikhootte ngwuuluvalanimwaka, muhikihiyeke saakimalelaka ikuru.

¹⁰ Vano amwiittanaaka annikuuluma; yaale ankiipithela annathukumana evaanelelaka okiiva.

¹¹ Awosa aneera: “Muluku oomuhiya – munttharatthare, muntthuke niwoko khaawo anaamutapuxe.”

¹² Ii! Muluku, muhikirakamele; Ii! Mulukwaaka, mwaakuveke weera mukikhavihere.

¹³ Yaale ankoothera emwaramwareye ooyeviheyeene; yaale antthuna okipakela yoonanara eveiheye ni yuulihiheye muru.

¹⁴ Vaheera wa miyo – mahuku ootheene kinookhalano oweherera, kitepaka woottottopelani.

¹⁵ Eyanowaaka enoolaleiya ororomeleyawanyu ni ovuluxawanyu ehuhu yootheene kiroohisuwelaru wunnuwawaya.

¹⁶ Ii! Yave onlamula sootheene, kinimuuluma soopakasanyu sa owera. Kinoolaleiya ororomeleyawanyu xaxaxa.

¹⁷ Ii! Muluku, mookixuttiha okhuma enamwanaaka ni mpaka olelo kinnahima mitekosanyu sootikhiniheya.

¹⁸ Ii! Muluku, vano kuuluvanlaaka ni ipwi, muhikihiye, weera kilaleiye ikurusanyu wa anamwaniihu ni owerawanyu wa ikhapira sa muhoolo.

¹⁹ Ororomeleyawanyu omphiya wiirimu; Ii! Muluku moopaka itthu sootikhiniheya. Khaawo onlikana ni Nyuwo.

²⁰ Naari mukivirihaleene mmakacamihoni moota woovihaxa, munookivahatho okumi munyowani; munookikhumiha moowiixera mwa etthaya.

²¹ Munimwaandyeerera ottittimiheyawaka mukipepesakatho.

²² Ii! Mulukwaaka, kinimoottottopelani ni makita niwoko na ororomeleyawanyu; Ii! Ootteela a oYixrayeli, kinoowiipelani icipo soottottopela ni lira*.

²³ Eyanowaaka enookhuwela ni ohakalala miyo kaawiipelakani icipo soottottopela, niwoko Nyuwo mookoopola.

²⁴ Kinoolaleiya miteko soororomeleya mahiku ootheene, niwoko yaale yaatthuna okipakela itthu soonanara aayevihiwa, enuulihiheya muru.