Icipo 65 - Emakhuwa Bible

Wa muhusiha a icipo. Ecipo ya Davide.

¹ Ii! Muluku! Ottottopela onimoowehererani oSiyoni; hiyo nnookwanihera soororomeliha noopakenlaahuni.

² Ii! Nyuwo muniiwa mavekelo, atthu ootheene anoowaattamelani.

³ Sinilemelaka sootthekasahu, Nyuwo muneenaanyu moolevelela.

⁴ Ooreelihiwa yaale Nyuwo mwaathanlalaanyu, mwiiruuhelaka weera ekhale mmapuwanimwanyu. Hiyo noosareya mareeliho a vaatewanyu ni a Empaanyu Yootteela.

⁵ Ii! Muluku, Mvuluxaahu, Nyuwo munaakhula ni miteko sootikhiniheya soororomeleya. Nyuwo ti oweherera wa elapo ya vathi yootheene ni mpaka wa iphareiya sa ottaiwene.

⁶ Ti Nyuwo mpattunxe nyaako ni ikurusanyu ni owerawanyu otokotoko.

⁷ Ti Nyuwo mummaaliha oruma wa iphareiya, oruma wa mitekutekusaya ni minyakunyaku sa miloko.

⁸ Amaki a ilapo soorakamela anoova sootikhinihasanyu. Okhuma ninkhuma nsuwa mpaka ninkela nsuwa soopakasanyu sinruuhela icipo soottottopela.

⁹ Nyuwo munkosoopa etthaya murupihelaka epula munathadyiriha woomalela. Nyooloko sa Muluku soosareya maahi weera atthu ekhaleno etrigu, niwoko moolamulela hiiho.

¹⁰ Moosariha maahi mittunduruma sa etthaya moothatawaliha moovinavineya. Nyuwo munooloiha ni epula ni munreeliha soohephasaya.

¹¹ Munreeliha eyaakha ni murimaanyu wooreera ni khula nipuro munrowaanyu ninnaruwereya.

¹² Woocihamo wa munikareni woosareya munyepu ni mattumuxa aaphwaneliheya ni ohakalala.

¹³ Imatta soosareya mihuwo ni mareyareya aasareya etrigu; iyo sintthapa, siipaka ni ohakalala.