Icipo 6 - Emakhuwa Bible

Wa mutokweene a icipo. Ni ikaruma sa mikhoyi. Attharaka moota wa Xeminiti*. Ecipo ya Davide.

¹ Yave, muhikittaruxe musaranimwanyu hata muhikilake mooyoonyiwanimwanyu.

² Mukimorele ikharari Yave, niwoko nkilimpe. Ii Yave! Mukilamihe niwoko kootteenguwa!

³ Munepaaka woosareya othanana. Mpaka yaakhani Yave; mpaka yaakhani?

⁴ Murukunuwe Yave ni mukoopole; mukivuluxe niwoko na osivelawanyu woororomeleya!

⁵ Vano okhwiiye khangwuupuwelelani; taani a akhwiiye aneera oottottopeleni?

⁶ Kookhulumuwa wiixinlelaxa; ohiyu wootheene kinniinlaxa vakaamaniwaka kinaanihaka yoophiteeraaka.

⁷ Maithwaaka aathananiheya; khaanoona nnene niwoko na amwiittanaaka ootheene.

⁸ Mususeke wa miyo ootheene nyuwo mumpaka sootakhala, niwoko Yave ohiiwa wiinlawaka.

⁹ Yave ohiiwa okhuwelelawaka ikhararisawe; Owo ohaakhulela nivekelonaka.

¹⁰ Amwiittanaaka ootheene anooyevihiwa yoopopihiwaka; woowaakuveya anoohokoleela ottuli yuuliheiyeene muru.