Icipo 57 - Emakhuwa Bible

Wa muhusiha a icipo. Ecipo entthara moota woowiipa oniitthaniwa “Muhiphwate.” Ecipo ya Davide eniitthaniwa Mikitami*.

¹ Ecipo ela yaalempwale ehuhuweene yeele Davide aamutthangwaawe Sawuli arowaka munikhukuni. Mukimorele ikharari – Ii! Muluku, mukimorele ikharari, niwoko okumaaka ontthawela mwa Nyuwo. Kintthawela mmunttuusini mwa mapuphaanyu mpaka soowoopiha sineeraaya sivire.

² Kinimukhuwelela Muluku a Musulusulu, Muluku mwa Yoowo onkikwaniherela otthunawawe.

³ Wiirimu Owo onkirumihela ovuluxa, awoomolaka yaale ankittharelelaxa. Sela* Muluku onrumiha osivelawawe ni ororomeleyawawe.

⁴ Miyo kooriciwa ni amwatto; kiniixaatalela vamoha ni axinama ooluma – mainowaaya ari mavaka ni nyuupa ni malumaaya ari ikatana soowiittha.

⁵ Mvuwihiwe Muluku osulusulu wiirimu; ovuwawanyu okhaleke mweelaponi yootheene.

⁶ Awosa aakireya muraakho – koothananiheya. Yaathipa elakasa mphironimwaka, vaheera yaamorelamo asineenaaya. Sela*

⁷ Murimaaka ti woomaaleleya, Muluku, murimaaka ti woomaaleleya. Kinimwiipa icipo sootthapela.

⁸ Mvenyeke okumaaka; mvenyeke makita ni lira*. Olelo kintthuna oxiiha.

⁹ Ii! Yave, kinimoottottopelani variyari wa miloko; kinimwiipa sa Nyuwo variyari wa ilapo.

¹⁰ Vano osivelawanyu ti otokotoko omphiya wiirimu; ororomeleyawanyu omphiya mmahutteni.

¹¹ Mvuwihiwe Muluku osulusulu wiirimu; ovuwawanyu okhaleke mweelaponi yootheene.