Icipo 49 - Emakhuwa Bible

Wa mutokweene a icipo. Ya anamwane a Kora. Ecipo.

¹ Mwiiwe yeeyo, miloko sootheene nyuwo; mwiiwe, ootheene nyuwo munkhala mweelaponimu,

² mukhalaka oottittimiheya naari oohittittimiheya; oohaawa hoye hoye oopuha:

³ Eyanowaaka enimuuluma ni miruku; masu a murimaaka anooruuha wiiwexexa.

⁴ Kinimwiiwa nnenesene yoohimmwa ya musuweli; ni ekhavihero ya makita kinootaphulela ethale.

⁵ Nkoova yaarwaaka mahuku oonanara hoye hoye atakhali oolokottha yaakiricaka-

⁶ yaale anroromela mihakhusaya, yiikuxereraka ni opuhawaya.

⁷ Khawowo ongwera omvuluxa munneiye hata omuliva Muluku nlivo noowiixoopolela.

⁸ niwoko nlivo noowiixoopolela khaninthumeya – khaniwoworu nlivo nookwana

⁹ weera mutthu akhale wa mahuku ootheene ahoonakaru nihiye.

¹⁰ Vano onnooneya weera anamiruku ankhwa – anaanepa ni alolo ankhwatho yaahiyeraka mihakhusaya akina.

¹¹ Mahiye eniikhale mapurowaaya oohimala; woomakawaya wa ikhapira sootheene sinttharelana, naari yaarinweene imatta yaattenghaaya masinaaya.

¹² Wa soothesene, mutthu, naari areene namapuha, khampwaherera ni okumi. Ori ntoko inama sinkhwa.

¹³ Wu ti ommaleloni wa yaale aniiroromela ni wa anamattharaaya anaakhulela soohimasaya. Sela*

¹⁴ Ntoko ikhondoolo ommaleloniwaya onuukhale okhwa ni okhwawene weiwo onuukhale mukukhulaaya. Mooxeexeloni oororomeleya animwaalamula; mittembosaya sinimuntta mmahiyeni ottai wa impasaya soovuwa.

¹⁵ Vaheera Muluku onimoopola okumaaka munihiyeni; vekhaikhai onookirongha wa Yoowo. Sela*

¹⁶ Muhitthukuruwe mukina athadyiri aandyeereraka mihakhu,

¹⁷ niwoko aakhwaaka kheewo aneeraawe akuxe. Mihakhusawe khasimuhoola.

¹⁸ Naari uupuwela weera ooreelihiwa owo nlelo areene mukumi yeenre atthu yaamuttottopela niwoko na opuha,

¹⁹ owo onoothukumanyiheya ni makholowaawe, mwa weiwo ohinooneyaayawo waara wa okumi.

²⁰ Mutthu naari areeneno mihakhu aahiiwexexaka ori ntoko inama sinkhwa.