Icipo 43 - Emakhuwa Bible

Nivekelo wa Yave mweehuhuni ya ohooxiwa.

¹ Ii! Muluku, moonihere ohikhalanawaka nthowa! Mwaakihe mulattwaaka wa muloko woohiroromeleya! Mukoopole mwa atthu oovariha ni oonanara murima.

² Nyuwo ti Muluku, Wootthawelawaka. Mukihiyenreni? Nkivenyereke heeni kaasaka weetta ni kilalamikaka, amwiittanaaka ekihasulaka?

³ Mukirumihele waarawanyu ni ekhaikhaiyaanyu – eyo ekeettiheke, ekironghaka omwaakoniwanyu wootteela, mwa weiwo munkhalaanyuwo.

⁴ Vano kinoorowa valtaarini* a Muluku mwa Yoowo onkivaha ohakalalaxa. Ii! Muluku Mulukwaaka, kinootthapelaniwo ni makita.

⁵ Ii! Okumaaka – muthananenle heeni? Munriipeliwa heeni murima? Munroromele Muluku, niwoko kinoomutthapela Yoowo, Mvuluxaaka ni Mulukwaaka.