Icipo 37 - Emakhuwa Bible

Ecipo ya Davide.

¹ Muhinyoonyiwe niwoko na atakhali hata muhaapuhihe yaale ampaka yoonanara.

² Vano ntoko malaxi awosa animuuma woowaakuveya ni ntoko munyepu anoonyaala woohilekela.

³ Munroromele Yave ni mpake yooreera – hiiho nyuwo munoomaka mweelaponi mukhalaka oolipeene.

⁴ Munghakalalele Yave ni Owo onimoovahani yeeyo munghaawelaanyu.

⁵ Mwinnyerere ephirowaanyu mmatatani mwa Yave; munroromele Yoowo ni Owo onoopaka ha:

⁶ Owo onimwaariha ororomeleyawanyu ntoko nsuwa nimmwaleela waaxaaka; ohinthowawanyu ntoko nsuwa vamuru.

⁷ Mukhaleke oomaaleene vamaithoni wa Yave ni mungweherere ni ovilela. Muhinyoonyiwe niwoko na opuha wa atakhali, hata wa yaale amvaanelela soonanara.

⁸ Musembe isara ni mukhootte onyoonyiwa; muhiximwe niwoko eyo enrongha wa yoonanara paahi.

⁹ Vano atthu oonanara murima anoophwatiwa, mene yaale animuroromela Yave animwaakhela elapo ntoko yoohiyeriwa.

¹⁰ Atakhali anoolakaseya woowaakuveya; naari ngwaasaasaka, khamwaaphwanya.

¹¹ Vaheera atthu oomaala murima animwaakhela elapo ehakalalaka mmuretteleni.

¹² Atakhali anaavaanelela oororomeleya yaakhuurihelaka maino,

¹³ mene Yave onaatheya atthu oonanara murima niwoko oosuwela weera nihukunaya nnimoowa.

¹⁴ Atakhali antholola ekatana, enakunga muupa weera ewiive oohaawa ni yaale aneetta mphironi ya ekhaikhai.

¹⁵ Vaheera ikatanasaya sinimwaahoma asineenaaya ni nyuupasaya sinimwintakasiwa.

¹⁶ Fataari vakhaani ya oororomeleya ohikhanle mihakhu sincipale sa atakhali,

¹⁷ niwoko ikuru sa atakhali sinoophwatiwa, mene Yave onaakhavihera oororomeleya.

¹⁸ Yave onkosoopa okumi wa oororomeleya ni yoohiyeriwaaya enoopwaherera wa mahuku ootheene.

¹⁹ Itthu saaheettaka nnene awosa anoopwaneya ni mmahukuni a etala awosa anoovona.

²⁰ Vaheera atakhali anoophwatiwa. Amwiittana a Yave anoonyaala ntoko ithutu sa ntuphini, elakaseyaka ntoko mwiixi.

²¹ Atakhali annakoongora woohiliva, mene oororomeleya amvaha ni murima wootheene.

²² Yaale anreelihiwa ni Yave animwaakhela elapo ntoko yoohiyeriwa, vaheera yaale onaalaphaawe, anoophwatiwa.

²³ Yave aahakalalelaka mweettelo wa mutthu, Owo onlipiha malipaawe.

²⁴ Naari akwakwathuwaka, khamora, niwoko Yave onoomukaphula.

²⁵ Kaari mmiravo ni vano koohuuluvala, mene nkinamooneru oororomeleya ahiiweene, hata anamwanaawe evekelaka yooca.

²⁶ Mahuku ootheene kimmoona oomaaleleyeene, oolihihaka ni murima wootheene; anamwanaawe anooreelihiwa.

²⁷ Musembe soonanara ni mpake yooreera ni munookhala mweelaponi mahuku ootheene.

²⁸ Vano Yave onaasivela oororomeleya ni khanaahiya oosiveleyaawe. Awosa anookosoopiwa mahuku ootheene, mene ikhapira sa atakhali sinoophwatiwa.

²⁹ Oororomeleya animwaakhela elapo, enakhalamo mahuku ootheene.

³⁰ Eyano ya mulopwana oororomeleya enghima sa miruku, nluminawe nnuuluma ekhaikhai.

³¹ Nlamulo na Mulukwaawe nri mmurimanimwawe; inaawosawe khasinserenguwa.

³² Mutakhali onimulupattha oororomeleya aasaasaka omwiiva.

³³ Vaheera Yave khanimuhiya mukurunimwawe hata khantthunihera weera oonaniwe nthowa omulattuni.

³⁴ Mungweherere Yave ni mweette mphironimwawe. Owo onoowunnuwihani weera mwaakhele elapo. Atakhali yaaphwatiwaka, munimoona.

³⁵ Koomoona mutakhali oowuuma murima unnuwaka kuttu-kuttu ntoko mwiri woopomba.

³⁶ Wa soothesene, owo oolakaseya woowaakuveya ni khamphwanyiwatho; kiroomwaasaasaru, owo khawowo.

³⁷ Mwaawehe atthu ookwanela; ngwoone atthu a ekhaikhai; mulopwana a murettele ookhalano ya muhoolo.

³⁸ Vaheera anamavaanya ootheene anoophwatiwa; muhoolo wa atakhali onoomalamalihiwa.

³⁹ Ovuluxiwa wa oororomeleya onrweela wa Yave; Owo ti Wootthawelawaya mweehuhuni ya ohasuliwa.

⁴⁰ Yave onaakhavihera ni onaavuluxa; Owo ongwoopola mwa atakhali aavuluxaka, niwoko awosa animuroromela Yoowo.