Icipo 34 - Emakhuwa Bible

Ecipo Ya Davide enghima sa ehuhuweene yeele iixoothereringhaawe onaanepa ohoolo wa Abimeleki, mwa yoowo amoomonle anapwaha.

¹ Kinoomvuwiha Yave mahuku ootheene; iyanosaka sinoomuttottopela Yoowo woohihiyerera.

² Okumaaka onoomunnuwiha Yave; oohooxiwa yiiweke ni ehakalaleke.

³ Mmwiipele otokotokwaawe Yave vamoha ni miyo; nivuwiheke Nsinanawe.

⁴ Koomwaasa Yave ni Owo ookaakhula; Owo ookoopola mwa woovawaka wootheene.

⁵ Yaale aningweha anootutha; ikhovesaya khasirwatho saamora.

⁶ Mulopwana oohaawa ola aahiitthana ni Yave oomwiiwa; Owo oomoopola mwa sookacamihasawe sootheene.

⁷ Ndyelo a Yave ti namalipelela aarukureenreene yaale ammoova Yave ni Owo ongwoopola.

⁸ Ngwehe ni moonelele weera Yave ti ooreeraxa; ooreelihiwa ti yoole onimutthawelela Yoowo.

⁹ Munttittimihe Yave nyuwosa ootteela, niwoko yaale animuttittimiha kheewo enaahaleela.

¹⁰ Mpaka amwatto annahaawa evoliwaka etala, vaheera yaale ammwaasa Yave kheewowo etthu yooreera enaahaleela.

¹¹ Ngweeke anamwanaaka, ni mukiiwe; kinimooxuttihani omuttittimiha Yave.

¹² Ootheene nyuwo munsivela okumi ni muntthuna woona mahuku mancipale ooreera,

¹³ muhiihe malumaanyu wuuluma soonanara ni iyanosanyu weera sihoothe.

¹⁴ Mususe wa soonanara ni mpake yooreera; mwaasaase murettele ni nthiti.

¹⁵ Yave ongwoona yaale ari oororomeleya ni Owo onimwiiwa okhuwelawaya.

¹⁶ Yave ti Mwiittana a yaale ampaka soonanara aaphwataka mweelaponimu weera ehuupuweleliwetho.

¹⁷ Atthu oororomeleya ankhuwela ni Yave ongwiiwa; Owo ongwoopola mwa sookacamihasaya sootheene.

¹⁸ Yave ori vakhiviru wa yaale oothananaxa vamurimani, anaavuluxa yaale ari oopororeene.

¹⁹ Sookacamiha sa oororomeleya sohaatta, vaheera Yave ommoopola mwa sootheene seiyo.

²⁰ Owo onaakiha makhuvaawe ootheene – khaniwoworu nneera nintakiwe.

²¹ Yoonanara enoowiiva atthu oonanara murima; amwiittana a oororomeleya anoothorihiwa.

²² Yave onaavuluxa arumeiyaawe; khawowo ontthawela mwa Yoowo onthorihiwa.