Icipo 31 - Emakhuwa Bible

Wa mutokweene a icipo. Ecipo ya Davide.

¹ Kootthawela mwa Nyuwo, Yave; muhikihiyeru kiyevihiwaka. Mukivuluxe moororomeleyanimwanyu.

² Mukiiwe ni mukivuluxe woowaakuveya. Mukhaleke Mwalaaka Wootthawelamo; Nipuro Noolipaxa mwa mwemmo kinlipaakamo.

³ Nyuwo ti Mwalaaka ni Nipuronaka Noolipaxa; mukihoole ni mukeettiheke niwoko na Nsinananyu Nooreera.

⁴ Mukikoongole munraakhoni akireiyaaya, niwoko Nyuwo ti Wootthawelawaka.

⁵ Kininnyerera okumaaka mmatatanimwanyu; mukoopole, Yave, Muluku a ekhaikhai.

⁶ Kinaathanya yaale anlapa miluku soowootha soohimuteko; kinoomuroromela Yave.

⁷ Kinoohakalala kitteeliweene moosivelanimwanyu, niwoko mohoona ohasuliwawaka ni moosuwela soohooxa sa okumaaka.

⁸ Khamukinnyerenre mmatatani mwa amwiittana, vaheera mookeettiha vanipuroni noowunnuwa.

⁹ Mukimorele ikharari Yave niwoko koothananihiwa ni maithwaaka aasareya wiinla; aani erutthwaka ni okumaaka wooriipiweene murima.

¹⁰ Okumaaka woosareya ni othanana ni iyaakhasaka simvira ngwiikhupanyerani. Ikurusaka sinlakaseya niwoko na ohooxiwawaka ni makhuvaaka aatteenguwa.

¹¹ Aximwaattamanaaka ankiramusa niwoko na amwiittanaaka ootheene ni asinthamwenaaka anookisemba. Yaale ankoona mmuseweni anookitthawa.

¹² Aakittiwala ntoko kirimookhwa. Koothatuwa ntoko nivali.

¹³ Vano kingwiiwa ancipale ekuulumaka; koosareya woova; awosa ankivaanelela miyo yaasaasaka moota wookiiva.

¹⁴ Vaheera kimmoororomelani Nyuwo Yave; kineera: 'Nyuwo ti Mulukwaaka.

¹⁵ Ti Nyuwo munlakela ihuhusaka; mukoopole wa amwiittanaaka ni yaale ankittharatthara.

¹⁶ Ekhovaanyu emmwaleele murumeiyaanyu; mukivuluxe moosivelanimwanyu woohimala.

¹⁷ Muhikihiye kuulihiheyaka muru Yave, niwoko koowiitthanani Nyuwo. Vaheera ngwuulihihe muru atakhali, evonyeriwaka mmahiye oomaaleene.

¹⁸ Iyanosaya soowootha simaalihiwe, niwoko angwuulihiha muru oororomeleya, yiixoonaka ni yaaramusaka.

¹⁹ Ii! Ti otokotoko oreerawanyu murima mwaathokororenlaanyu yaale angwoovani. Vamaithoni wa atthu munimwaavaha oreerawanyu murima yaale anootthawelelani Nyuwo.

²⁰ Munipuroni noolipa na okhalawanyu Nyuwo mungwiipithiha mwa soovaanela sa atthu. Woomakawanyu mungwaakiha mwa anamoothera.

²¹ Yave atthapeliwe niwoko ookoonihera osivelawawe wooreeraxa miyo kaaraaka musidadeni yooriciwa.

²² Moothanananimwaka keenre: 'Mookirakameliha vamaithoniwanyu.’ Vaheera mohiiwa okhuwelelawaka ikharari miyo kaawiitthannaakani Nyuwo weera mukikhavihere.

²³ Munsivele Yave ootteelaawe ootheene! Yave onaathokorora oororomeleyaawe, mene onaavaha oowiixoona yeeyo amphwanelaaya.

²⁴ Mukhale oolipa ni oominya murima ootheene nyuwosa munimuroromela Yave.