Icipo 28 - Emakhuwa Bible

Ya Davide.

¹ Ii! Yave, Mwalaaka, kingwiitthanani Nyuwo. Muhikisembe, niwoko Nyuwo mwaahuuluma, kinookhala ntoko yaale ankhuruwela mmahiyeni.

² Mwiiwe okhuwelelawaka ikharari, miyo kaawiitthanakani weera mukikhavihere ni kaatheteelaka matataaka Nipuronanyu Nootteelaxa*.

³ Muhikivahe nttaruxo ahiyeriwaaya atakhali ni wa yaale ampaka soonanara – yaale anuuluma ntoko nthamwene ni aximwaattamanaaya, mene mirimasaya soosareya soonanara.

⁴ Mwaatthuvele muttharihaka mitekosaya ni soopakasaya soonanara – mwa yeeyo matataaya amvaraaya, ni mwaavahe yeeyo amphwanelaaya.

⁵ Yeenre ehipwattha miteko sa Yave naari seiye matataawe apankaaya, Owo onimwaaphwata khuluwi.

⁶ Yave atthapeliwe, niwoko ohiiwa okhuwelelawaka ekhavihero.

⁷ Yave ti ikurusaka ni Yoowiixaakiheraaka; murimaaka onimuroromela Yoowo ni ekhavihero kimphwanya mwa Yoowo. Murimaaka woosareya ohakalala ni kinoomutthapela muciponimwaka.

⁸ Yave ti ikuru sa mulokwaawe; Nipuro Noolipihiwaxa nnimvuluxa oottikittheliwaawe.

⁹ Moopole mulokwaanyu ni mureelihe yoohiyeraanyu; mukhaleke Mukukhulaaya ni muhoolele mahuku ootheene.