Icipo 15 - Emakhuwa Bible

Ecipo ya Davide.

¹ Yave, taani ophwanenle okhala vaNipuroniwanyu Nootteela*? Taani ongwera omaka vaNttumuxaniwanyu Nootteela?

² Yoowo oneetta moota wookwanela apakaka yeeyo eri yoororomeleya ni onuuluma ekhaikhai mmurimanimwawe.

³ Mutthu owo khanaaluxa, ahimpakelaka yoonanara mukhwaawe naari khanimuuluma mukina.

⁴ Ti yoowo onnyoosa yeeyo emphwanela onyoosiwa, vaheera onimuttittimiha yoole ommoova Yave. Owo onkwanihera nlipelonawe naari orikaka.

⁵ Mutthu owo onkoongoriha, ahinnyesererihaka waakhela musurukhu woopwahaxa ni owo khanaakhulela makhwankwa amwiikitthaka oohinthowa. Yoowo ompaka hiiho, khattikinyeya!