Icipo 135 - Emakhuwa Bible

¹ Munttottopele Yave; muttottopele Nsina na Yave; munttottopele Yoowo nyuwosa arumeiyi a Yave;

² nyuwosa munrumeela Mpaani mwa Yave, mmapuwani mwa Empa ya Mulukwaahu.

³ Munttottopele Yave niwoko Yave ti ooreera murima; mmwiipele icipo soottottopela Nsinanawe, niwoko ti noosiveleyaxa.

⁴ Vano Yave oomuthanla Yakobe weera akhale awawe; Yixrayeli weera akhale muhakhwaawe.

⁵ Koosuwela weera Yave ti Mutokweenexa; Namalamulaahu ti Mutokweene opwahaxa miluku sootheene.

⁶ Yave ompaka seiyo sinimusivela, wiirimu ni vathi; mphareiyani ni moowiixeramwaya moothemwene.

⁷ Owo onruuha mahutte okhuma ekotenle elapo; onrumiha overinya vamoha ni epula ni ompakiha weera epheyo ekhume enoopaanaayawo.

⁸ Ti Yoowo iivale matthaara a wExipitu, matthaara a atthu ni a axinama.

⁹ Aarumihela ineneerosawe ni sootikhinihasawe variyariwanyu, wExipitu, wa Farawu* ni arumeiyaawe ootheene.

¹⁰ Ti Yoowo aavulalinghe miloko sincipale anawiiva mamwene oowera –

¹¹ Sihoni, mwene a awAmori ni Ogi, mwene a oBaxani ni mamwene ootheene a oKanaani.

¹² Aavaha mulokwaawe oYixrayeli ilaposaya ntoko yoohiyeriwa, aani yoohiyeriwa.

¹³ Ii! Yave, Nsinananyu nimpwaherera wa mahuku ootheene; epilaanyu wa ikhapira sootheene.

¹⁴ Yave onimwaakiha mulokwaawe ni onimwaamorela ikharari arumeiyaawe.

¹⁵ Miluku soowootha sa miloko siri sa eparatha* ni eyuuma yoorikaxa – soopakiwa ni matata a atthu.

¹⁶ Sookhalano iyano, mene khasingwera wuuluma; maitho, mene khasingwera woona;

¹⁷ maaru, mene khasingwera wiiwa, hata khasinono iphumu mmwaanomwaya.

¹⁸ Yaale ampaka seiyo anoothatuwa ntoko seiyo ni hiihotho ootheene anroromela seiyo.

¹⁹ Ii! Emusi ya Yixrayeli, munttottopele Yave! Ii! Emusi ya Aharoni, munttottopele Yave.

²⁰ Ii! Emusi ya Leevi, munttottopele Yave; ootheene nyuwo mummoova Yave, munttottopele Yoowo!

²¹ Yave attottopeliwe oSiyoni – Yoowo onkhala oYerusaleemu. Munttottopele Yave!