Icipo 130 - Emakhuwa Bible

Ecipo ya owela.

¹ Ii! Yave, ngwiixerani kinookhuwelelani Nyuwo;

² Ii! Yave, mwiiwe nsunaka! Maaruwaanyu ewiriyane wiidyoonttelelawaka.

³ Ii! Yave, Nyuwo mwaalikelela soottheka sootheene, taani aneera oopowe?

⁴ Vaheera mwa Nyuwo yookhala elevelelo weera mooviwe.

⁵ Mwa Yave kingweherera ni okumaaka wootheene ni kinroromela maswaawe.

⁶ Okumaaka oningweherera Yave ompwaha namalipelela okelaka oxa; ompwaha namalipelela onlipelela oxeexelo.

⁷ Ii! aYixrayeli! Munroromele Yave, niwoko mwa Yoowo wookhala osivela woororomeleya ni ovuluxa wookwanela.

⁸ Owo muneenaawe onimwaavuluxa aYixrayeli mwa sootthekasaya sootheene.