Icipo 13 - Emakhuwa Bible

Wa mutokweene a icipo. Ecipo ya Davide.

¹ Mpaka yaakhani, Yave? Munookittiwala wa mahuku ootheene? Mpaka yaakhani muneeraanyu mwiipithihe ekhovaanyu wa miyo?

² Mpaka yaakhani murimaaka ni munepaaka onghaawaaya ni othanana khula nihuku? Mpaka yaakhani mwiittanaaka aneeraawe akiwine?

³ Yave Mulukwaaka, mukiwehe ni mukaakhuleke. Mmwaleele maithwaaka weera kihimorele mookhwaani.

⁴ Amwiittanaaka animweera: “Noongwina.” Ni awosa anoohakalalela omorawaka.

⁵ Wa soothesene, miyo kinroromela osivelawanyu woororomeleya; murimaaka onghakalalela otapuxawanyu.

⁶ Kimmwiipela Yave niwoko ookoonihera murima wooreera.