Icipo 12 - Emakhuwa Bible

Wa mutokweene a icipo, ottharihiwaka moota wa Xeminiti* Ecipo ya Davide.

¹ Mvuluxe Yave, niwoko khawowo oororomeleyatho. Yaawo a murima woororomeleya aalakaseya variyari wa atthu.

² Ootheene animulokottha mwaattamanaaya; iyanosaya sinuuluma ni onyeengerera.

³ Yave athikile iyano sootheene soonyeenga ni nlumi noowiixoona

⁴ na yaawo aneera: “Nnoowina ni iyanosahu; ti sawihu – hiyo awani?”

⁵ Yave oneera: “Kinoovenya vaanaanova niwoko na ohasuliwa wa oohilipa ni okhuwela wa oohaawa. Kinimwaapakela ekhaviheroweene yeeyo antthunaxaaya.”

⁶ Vano masu a Yave ti ookwanela, ntoko eparatha* yoototoxiwa muttukutthani yoorehereriwa imaara ithannapiili.

⁷ Ii! Yave, Nyuwo munoonikosoopa oolipeene ni munoonaakihera wa atthweene yaala mahuku ootheene.

⁸ Weiwo atthu ankupaleelaaya soonarara, annaattawo atakhali.