Icipo 112 - Emakhuwa Bible

¹ Munttottopele Yave. Ooreelihiwa ti yoole onimoova Yave ni onsivela malamulowaawe.

² Anamwanaawe anookhala ooweraxa mweelaponi; enookhala ekhapira yooreelihiwa ni yoororomeleya.

³ Mihakhu ni opuha ori Mpaanimwawe ni ororomeleyawawe ompwaherera wa mahuku ootheene.

⁴ Hata mpiphini, waara onaamwaleela oororomeleya; yoole ori a murima wooreera, a ikharari ni a ekhaikhai.

⁵ Oohakalala ti mutthu onkoongoriha ni murima wooreera ni ommweettiha nakoswaawe mweekhaikhaiyini.

⁶ Mutthu oororomeleya kharwa attikinyeya; onimuupuweleliwa mahuku ootheene.

⁷ Owo khoova ihaali soonanara; murimaawe ti woohihoveleya, amuroromelaka Yave.

⁸ Murimaawe ti woolipeene; owo khoovaru etthu; ommaleloni onimoona owiniwa wa amwiittanaawe.

⁹ Owo ohaakawela soovaha sincipale oohaawa; ororomeleyawawe ompwaherera wa mahuku ootheene; owerawawe onoohakalaleliwa munttittimihoni.

¹⁰ Mutakhali onimoona yeeyo ni onoonyoonyiwa akhuurihaka maino ni onimoondaxa; soohaawelasawe khasinkwana etthu.