Icipo 105 - Emakhuwa Bible

¹ Muntthapele Yave; mulaleiye Nsinanawe; musuwelihe miloko seiye opankaawe.

² Mmwiipele Yoowo; mmwiipele icipo soottottopela; mulaleiye mitekosawe sootikhiniha sootheene.

³ Mvuwihe Nsinanawe Nootteela; mirima sa yaale ammwaasa Yave sihakalaleke.

⁴ Mungwehe Yave ni ikurusawe; mwaasaase ekhovaawe wa mahuku ootheene.

⁵ Muupuwelele sootikhiniha opankaawe – aani sootikhinihasawe ni soolakela ohimmaawe,

⁶ nyuwosa ikhapira sa Abrahaamu, murumeiyaawe ni nyuwosa anamwawe a Yakobe, oothanliwaawe.

⁷ Owo ti Yave Mulukwaahu; ikanosawe ti sa elapo yootheene.

⁸ Owo onuupuwelela wiiraanawawe wa mahuku ootheene; masu olamulenlaawe wa ikhapira macira muloko,

⁹ aani onuupuwelela wiiraana aapankaawe ni Abrahaamu; nlipelo aapankaawe ni Isaki.

¹⁰ Owo aamuroromeliha wiiraana yoowo ni Yakobe ntoko ekano; wa aYixrayeli ntoko wiiraana woohimala, eenraawe:

¹¹ “Kinimoovahani nyuwo elapo ya oKanaani ntoko yoohiyeriwa eri yawinyu.”

¹² Awosa nlelo ereene atthu vakhaani – aani atthu vakhaani yaari oohikhalano elapo,

¹³ eviraviraka mmilokoni soohiyanahiyana, emwene emwene,

¹⁴ Muluku khaatthunihenreru ohooxiwa, mene niwoko na yaawosa aahaahiiha mamwene aweerelaka:

¹⁵ Muhaatave oottikittheliwaaka; muhaananarihe maprofeetaaka.

¹⁶ Owo aarumihela etala mweelaponi, anaphwata soocasaya sootheene

¹⁷ aamurumiha mulopwana ohoolowaya- Yoseefe aathumihiwe ntoko epottha.

¹⁸ Owo aatthukiwa mmettoni ni onyooro ni yaamutthuka muxiko ni eyuuma

¹⁹ mpaka okwanihereya yeeyo aahimmaawe ni mpaka masu a Yave yaahaakhuleliha weera aahima ekhaikhai.

²⁰ Mwene aalamulela weera ataphuliwe; mulamuli a atthu aamutapuxa.

²¹ Mwene aamukhaliha mutokweene a vaatewawe; namalamula a sootheene aarinaawe

²² weera aalake anamwane a mwene seiye aatthunaawe ni aaxuttihe asitokweenaawe miruku.

²³ Vano Yixrayeli aavolowa wExipitu; Yakobe aakhala ntoko namarwa mweelaponi ya oHami.

²⁴ Yave aarelanyiha mulokwaawe anatatuxa woolipaxa waapwaha amwiittanaaya.

²⁵ Vano aaceendya mirima sa amwiittanaaya weera ethanye mulokwaawe epaceraka ovaanelela yoowo.

²⁶ Aamurumiha murumeiyaawe Moisesi ni Aharoni, mwa yaawo aathanlalaawe.

²⁷ Mwa yaawotho aapaka ineneerosawe sootikhiniha ni miiriirasawe mweelaponi ya oHami.

²⁸ Aarumihela epiphi mweelaponi ni yaakhala, niwoko awosa yaavaanya maswaawe.

²⁹ Aatatuxa maahaaya ephome atannyeraka okhwa wa ihopasaya.

³⁰ Elapwaaya yaasareya anaphulu mwa yaale yaavolongwe mpaka mukwartuni mwa anamalamulaaya.

³¹ Aalamulela ni nasope a amunkaanga aaphiya ni anlukuveeve yaasareya elapwaaya.

³² Ohiya epula aarumihela maralala ni waakhala overinya mweelaponimwaya yootheene

³³ ophwataka nyirisaya sa iwuuva* ni sa ifiigu ahononaka nyiri sa elapo.

³⁴ Aalamulela, anawa nasope; misoope soohaalikeleya,

³⁵ mwa seiye saawennye mapoonda ootheene a elapo ele – sooruwera sootheene sa imattasaya.

³⁶ Vahoolowaya aahiiva matthaara ootheene a wExipitu – anamwanaaya asilopwana oopacera ootheene.

³⁷ Aakhumiha muloko wa aYixrayeli okunxeene eparatha* ni eyuuma yoorikaxa yincipalexa ni khawoworu ahaakhalanne etthu variyari wa ipuumbasaya.

³⁸ wExipitu waahakalala aYixrayeli epwahakaru, niwoko yaahaattenguwaxa aYixrayeli.

³⁹ Muluku aawiikathera nihutte weera waakhaleleke munttuusi ni mooro weera waamwaleele ohiyu.

⁴⁰ Awosa yaamvekela ni Owo aahaaruuhela anapiri ni aahaavoniha ni sooca sa wiirimu.

⁴¹ Aamuthorola mwala enakhumamo maahi mwa yaawo yaatthimanke moolokweene munikareni.

⁴² Vano aahuupuwelela yoororomeliha yootteela aampakenlaawe murumeiyaawe Abrahaamu.

⁴³ Aakhumiha mulokwaawe ohakalalaka; oothanliwaawe waatteelaka murima.

⁴⁴ Aavaha ilapo sa miloko ni aYixrayeli yaakuxa sooreerela sa miteko sa miloko sikina

⁴⁵ weera yiiwelele ikanosawe ni ethokorore malamulowaawe. Munttottopele Yave!