Hoxeya 6 - Emakhuwa Bible

Wiitthaneliwa orukunxa murima

¹ “Nrowe, nihokoleele wa Yave. Owo ooninyaanya, mene onoonilamiha; Owo oonivulaliha, mene onoovoliha makhwattaahu.

² Eviraleene mahuku meeli, Owo onoonivahatho okumi; vanihukuni nanaararu, onoonireherera weera nikhale vamaithoniwawe.

³ Nimusuwele Yave; niilipiheraxe omusuwela. Owo aniixoonihere mooteene yoole ninkhumaaya nsuwa; onimoorwa wa hiyo ntoko epula ya mulaala, aani ntoko epula mutthulo ennaanihaaya etthaya.”

Ohirukunxeya murima wa oYixrayeli ni oYuda

⁴ “Nkoopakele eheeni Efrayimi? Nkoopakele eheeni Yuda? Osivelawanyu ori ntoko ekasikasi ya oxeexelo, ntoko nikame nimpeherera wiima nnamora woowaakuveya.

⁵ Tivawo koonyaanyasiyaakani mwa maprofeetaaka, Miyo koowiivasani ni masu a mmwaanomwaka; nthorihelonaka nohooceremelelani ntoko overinya.

⁶ Vano, kinghaawela ororomeleya ohikhanle sooveleela; omusuwela Muluku ohikhanle sooveleela soohisa.

⁷ Ntoko Adamu, awosa aananariha wiiraana, enakikhalela oohiroromeleya.

⁸ Giliyade ti esidade ya atakhali, yoosareya ephome.

⁹ Mooteene yoowo atakhali aniipithaaya emuthurumelaka mutthu oomvara, hiihotho mikuttula sa asaserdoti*; awosa aniivela mmiseweni sa oXekhemi, enapaka sootakhala sikina soowuulihaxa muru.

¹⁰ Kohoona etthu yoowuumiha owanoni mulaponi mwa oYixrayeli. Mmo Efrayimi ooraruwa, ni Yixrayeli oovaliheya.

¹¹ Ii! Yuda, wa nyuwotho ehuhu ya ohepha nthorihelo eri yoolikaneene, Miyo kaahokoloxaka mulokwaaka.