Hoxeya 5 - Emakhuwa Bible

Nthorihelo nookhuveela oYixrayeli ni oYuda

¹ “Asaserdoti* mwiiwe yeela! Nnene, aYixrayeli! Ii! Emusi ya emwene, ngwiriyane! Nthorihelo nna ti nawinyu: nyuwosa mwaari ntapha oMizepa, ntthavi naareiwe omwaako Tabori.

² Anamavaanya aahuruweliwa ngwiiviwani. Miyo kinimwaalaka ootheenaawo.

³ Koosuwela wEfrayimi; oYixrayeli khoongwera okiipitha. Vano nyuwo Efrayimi mohiixinnyerera mooraruwani; aYixrayeli ahiinanariha.

⁴ Mitekosaya khasinaatthunihera ohokoleela wa Mulukwaaya. Munepa wa opuuta ori vamurimaniwaya; awosa khaanimusuwelaru Yave.

⁵ Wiixoona wa oYixrayeli onkhalela onamoona; aYixrayeli ni awEfrayimi ankwattuliwa mootthekanimwaya; aYuda ankwattuliwatho vamoha ni yaawo.

⁶ Awosa yaarowasaka omwaasa Yave vamoha ni ikhondoolo ni mihuwosaya sootheene, kheemphwanya; Owo ohaarakamelasa yaawo.

⁷ Khayaaroromeleiye waYave; ahaayarasa anamwane mooraruwani. Vano ifestasaya sa mweeri munyowani sinimwaanyaanya, okhuma awosa mpaka imattasaya.

⁸ Mwiipe nipalapatta oGibeya, ni nloope oRama. Mukhuwelele ecipo ya ekhotto oBet-Aveni, Ii! oBenyamini, moove!

⁹ Efrayimi onooheleya nthala vanihukuni na nttaruxo. Yeeyo Miyo kinlaleiyaaka eniikhumelele eriyari ya ipuumba sa aYixrayeli.

¹⁰ Ahooleli a oYuda ari ntoko yaale anceendya ikanyero sa nyiinano. Kinimwaayeeherasa isarasaka ntoko okumburula wa mirupi.

¹¹ Efrayimi oohasuliwa, oottikitthiwa munthoriheloni, niwoko na olakela otthara miluku sikina.

¹² Wa Efrayimi, kiri ntoko tthumpwiha, ntoko yoowunttiha wa muloko wa oYuda.

¹³ Efrayimi oonaka ekwereraawe, ni Yuda oonaka makhwattaawe, Efrayimi aarukunuwela wAsiriya, analamulela waasaasa ekhavihero ya mwene mutokweene. Vaheera owo khangwera woolamihasani, hata khangwera ovoliha ithukusanyu.

¹⁴ Vano, wa Efrayimi, kinookhala ntoko mwatto, ni ntoko mwatto mutokweene wa Yuda. Miyo kinoomunyaanya kipwaheke; Miyo kinimwaakuxa, ahikhalaka oowaatapuxa.

¹⁵ Vahoolowaya, kinoohokoleela vanipuronivaka mpaka awosa eneeraaya yaakhulele nthowanaya. Ni awosa animwaasa ekhovaaka; moohaawanimwaya anookaasa ni murima wootheene.”