Hoxeya 3 - Emakhuwa Bible

Osivela woovuluxa wa Muluku

¹ Yave aakeerela: “Murowe mwawoonihere osivelawanyu amwaarinyu, arookhalaru oosiveleya a akina ni arookhalaru puuta. Mwaasivele ntoko Yave onaasivelaawe aYixrayeli, aroovarexexaru miluku sikina esivelaka iboolu ni iwuuva* soowaarikiwa sootteeliheriwa miluku sikina.”

² Tivawo miyo kaathummaaka ni ixekeli* muloko niithanu sa eparatha* ni ikiilu* macira meeli ni miloko mithannamiili sa esevada*.

³ Miyo kaamweerela: “Nyuwo mukhaleke ni miyo mmahukuni mancipale; khamukhalatho puuta hata muhimukoneno mulopwana mukina, ni miyo kinookhala ni nyuwo.”

⁴ Eyo enthoonyera weera aYixrayeli anookhala mahuku mancipale woohikhalano mwene hata mwanawe, woohikhalano yooveleela naari amarimbu ootteeliheriwa, woohikhalano mooxikootti a esaserdoti ni mpaka woohikhalano miluku sikina.

⁵ Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.