Habakuki 1 - Emakhuwa Bible

Ottaandawula woopacera wa Habakuki

¹ Ola mutthenga Muluku aamvanghaawe Habakuki.

² Ii, Yave, mpaka yaakhani ontthuneyaaya owiitthanani, Nyuwo muhikaakhulaka? Hoye hoye ontthuneyaaya wookhuwelelani: “Nipuhero,” vaheera Nyuwo khamumvuluxa?

³ Munkooniherelani soonanara mukinyesererihaka woona mahooxo? Ophwatiwa ni mapuhero ari ohoolowaka. Wookhala ohiiwanana ni owanawana mipattasaka.

⁴ Tivawo Nlamulo nihimvaraaya muteko ni ekhaikhai kheenkwaniheriwa. Atakhali anaattharatthara oororomeleya moota wooweera ekhaikhai enoovaanyiwa.

Yoowaakhula ya Yave

⁵ Moone miloko ni muwehawehe. Mututhuwe ni mmaale, niwoko kinoopaka etthu mmahukunimwanyu, mwa yeeyo mweeraanyu muhiroromele, naari muleeliweene.

⁶ Kinimwaatannyera aBabiloniya – muloko woohikhalano ikharari ni woowali, mwa yoowo oneetteetta elapo yootheene okuxaka ilapo sa miloko sikina.

⁷ Owo ti muloko woowooviwa ni woowoopopiha. Ompaka yeeyo ontthunaaya, wiittittimihaka.

⁸ Ikavalusaya* ti soowaaluwa ompwaha havara, sooluwaxa opwaha miici sintotha ohiyu. Anamweettihaaya a ikavalu* anrweela ottaiwene; ikavalusaya* sinrwa sitthimakaka. Awo amvava ntoko xaaka oniihiyahiya akungaleene mapupha weera avare.

⁹ Awosa ootheene anrwa etthunaka opuhera paahi. Atthu oowaattaxa anrwa ntoko epheyo ya munikareni yaatthukaka atthu oohaalikeleya.

¹⁰ Animwaaramusa mamwene ni animwaanyemula anamalamula. Antheya isidade soolipihiwa; anteka soowelano ixiri, enakuxa isidade iyo.

¹¹ Vahoolowaya anoovira ntoko epheyo, erowaka mpatta mukina – ananthowa yoonaka ikurusaya ntoko mulukwaaya.

Ottaandawula wanaaveeli wa Habakuki

¹² Ii! Yave! Vekhaikhai Nyuwo ti oohimala! Mulukwaaka ni Ootteelaaka, Nyuwo khamunkhwa. Ii! Yave! Mookhaliha muloko owo weera okwanihere nthorihelo. Ii! Mwala, Nyuwo mohaathanla aBabiloniya weera ettaruxe.

¹³ Maithwaanyu ti ootteelaxa ehiweraka oweha soonanara; khamungwera ovilela sootakhala. Munaavilelelani oohiroromeleya? Mummaalelani, atakhali yaamiraka oororomeleya oowaapwaha yaale?

¹⁴ Mohaatatuxa atthu ntoko ihopa sa mphareiya, ntoko soopattuxiwa sa mphareiya sihinlamuliwaru.

¹⁵ Mwiittana oonanara onaawarula ootheene yaale ni nimeso; onaavara aathukumanyihaka mutthavini, mwa yeeyo anoohakalalelaxa.

¹⁶ Tivawo ompakelaawe ntthavi yooveleela, ahiseraka erubani* ntthavi attittimiherelaka, niwoko ti nenno ninthadyiriha ni yooca yoowaattaxa.

¹⁷ Vano owo onoopwaherera wiittha ntthavinawe, aphwataka miloko woohikhalano ikharari?