Ezera 8 - Emakhuwa Bible

Masina a Mapwattapwattha yaahokolongwe ni Ezera

¹ Mapwattapwattha ni imusi sa yaale yaalepaniwaaya, mwa yaawo yaavennye ni miyo oBabiloniya moolamulanimwawe mwene Artaxaxete ti ala:

² a ekhapira ya Pinehasi, Gerxomo; a ekhapira ya Ithamari, Daniyeli, a ekhapira ya Davide, Hatuxi;

³ a ekhapira ya Xekaneya, a ekhapira ya Paroxi, Zakariya ni vamoha ni yoowo asilopwana ncira ni miloko mithanu yaalempwe;

⁴ a ekhapira ya Pahati-Mowabe, Elihunai, mwaana mulopwana a Zerahiya ni vamoha ni yoowo asilopwana macira meeli;

⁵ a ekhapira ya Zatu, Xekaneya, mwaana mulopwana a Yahaziyeli ni vamoha ni yoowo asilopwana macira mararu;

⁶ a ekhapira ya Adini, Ebedi, mwaana mulopwana a Yonatani ni vamoha ni yoowo asilopwana miloko mithanu.

⁷ a ekhapira ya Elami, Yexaya, mwaana mulopwana a Ataliya, ni vamoha ni yoowo asilopwana miloko mithannamiili;

⁸ a ekhapira ya Xefateya, Zebedeya, mwaana mulopwana a Mixayeli ni vamoha ni yoowo asilopwana miloko mithannamiraru;

⁹ a ekhapira ya Yowabi, Obadiya, mwaana mulopwana a Yehiyeli, ni vamoha ni yoowo asilopwana macira meeli ni muloko ni athannaararu;

¹⁰ a ekhapira ya Bani, Xelomiti, mwaana mulopwana a Yosifiya ni vamoha ni yoowo asilopwana ncira ni miloko mithannamosa;

¹¹ a ekhapira ya Bebai, Zakariya, mwaana mulopwana a Bebai ni vamoha ni yoowo asilopwana miloko miili ni athannaararu;

¹² a ekhapira ya Azegade, Yohanani, mwaana mulopwana a Hakatani ni vamoha ni yoowo asilopwana ncira ni muloko mmoha;

¹³ a ekhapira ya Adonikami, atthu ookisera yaaphiyale, Elifeleti, Yehuweli ni Xemaya ni vamoha ni yaale asilopwana miloko mithannamosa ni

¹⁴ a ekhapira ya Bigevai, Utai ni Zakuri ni vamoha ni yaale asilopwana miloko mithannamiili.

Arumeiyi a Empa ya Yave

¹⁵ Miyo kaahaathukumanyiha atthweene yaale mukerekhere mooloko onkela mpatta wa Ahava, nnakonelawo mahuku mararu. Miyo kaawehawehaaka variyari wa muloko ni asaserdoti*, nkaamphwannyeru muLeevi.

¹⁶ Tivawo kaamwiitthannaaka Eliyezeri, Ariyeli, Xemaya, Elinatani, Yaribi, Elinatani, Natani, Zakariya ni Mexulami yaari ahooleli ni Yoyaribi ni Elinatani yaari anamiruku,

¹⁷ kinaarumihela wa Ido, mutokweene a oKasifiya. Miyo kaahaathalihera yeeyo yaatthuneya omuleela Ido ni atthwaawe yaari arumeiyi a Empa ya Yave oKasifiya weera eniruuhele anamarumeela wa Empa ya Mulukwaahu.

¹⁸ Neenre ntata noosareya ikharari na Muluku nakhala mwa hiyo, awosa yaaniruuhela Xerebeya, mulopwana ooweraxa, a ekhapira ya Maheli, mwaana mulopwana a Leevi, mwaana mulopwana a Yixrayeli, vamoha ni anamwane asilopwana ni axunneiye Xerebeya – ootheenaawo asilopwana muloko ni athannaararu,

¹⁹ ni Haxabeya vamoha ni Yexaya, a ekhapira ya Merari, ni axunneiye ni anamwanaawe – ootheenaawo asilopwana miloko miili.

²⁰ Yaahaaruuhatho arumeiyi a Empa ya Yave macira meeli ni miloko miili – mukuttula aakhalihalaawe Davide ni asitokweenaawe weera yaakhavihere aLeevi. Vano masina a ootheene yaale yaalempwa mulivuruni ya namalepela.

²¹ Iwe, mukerekhere mooloko wAhava, miyo kaalaleiya otthuka weera niiyevihe vamaithoni wa Mulukwaahu ni nimuvekele ekhavihero ya munkwahani wa hiyo ni anamwaniihu vamoha ni sooreelasahu sootheene.

²² Khawaakikhalenle nnene omuvekela mwene anakhotto ni anamweettiha ikavalu* weera enaakihe wa amwiittana mphironi, niwoko naamweerela: “Ntata noosareya ikharari na Mulukwaahu nri mwa ootheene ammwaasa, vaheera isarasawe sitokotoko khasiniiwanana ni yaale animuhiya.”

²³ Tivawo naatthunkaahu nidyoonttelelaka mareeliho a Mulukwaahu ni Owo oonaakhulela.

Soovaha wa Empa ya Yave

²⁴ Vahoolowaya kaahaathanla asaserdoti* muloko neeli a asaserdoti* asitokweenexa – Xerebeya, Haxabeya ni atthu muloko a axunneiye –

²⁵ ni kaaringa ohoolowaya soovaha sa eparatha*, eyuuma yoorikaxa ni ikaruma mwene, anamalakaawe, asitokweenaawe ni aYixrayeli ootheene yaariwo yaavanghe wa Empa ya Mulukwaahu.

²⁶ Kaaringa ohoolowaya kinawinnyerera ikiilu* 22 000 sa eparatha*, ikiilu* 3 400 sa ikaruma sa eparatha*, ikiilu* 3 400 sa eyuuma yoorikaxa,

²⁷ ibasiya miloko miili sa eyuuma yoorikaxa yaalemela ikiilu* ithanatthaaru ni eriyari ya ekiilu* emoha, ni ikaruma piili sooreeraxa sa ebronze* sootthuneyaxa ntoko eyuuma yoorikaxa.

²⁸ Miyo kaaweerela: “Nyuwo ni ikaruma iya mootteeliheriwa Yave. Eparatha* ni eyuuma yoorikaxa ti sooveleela sa otthunawanyu wa Yave, Muluku a makholowaanyu.

²⁹ Muthokorore nnenesene mpaka muneeraanyu mwaringe mmakwartuni mwa Empa ya Yave oYerusaleemu vamaithoni wa asaserdoti* asitokweene, aLeevi ni mapwattapwattha a aYixrayeli.”

³⁰ Vano asaserdoti* ni aLeevi yaahaakhela eparatha*, eyuuma yoorikaxa ni ikaruma sootteliheriwa saaringiwe weera siroihiwe oYerusaleemu, oMpaani ya Mulukwaahu.

Ohokoleeliwa wa oYerusaleemu

³¹ Munihukuni nanaamuloko ni meeli na mweeri woopacera, hiyo naattimula omoolokoni wAhava, nnarowa oYerusaleemu. Ntata na Mulukwaahu naari ni hiyo ni Owo aanaakiha mphironi mwa amwiittana ni anamahuhula.

³² Hiiho naaphiya oYerusaleemu, nniitthuuwawo mahuku mararu.

³³ Vanihukuni nanaaxexe, Mpaani mwa Yave, naaringa eparatha* ni eyuuma yoorikaxa ni ikaruma sootteeliheriwa, ninamvaha Meremoti mwaana mulopwana a musaserdoti* Uriya. Eleyazari, mwaana mulopwana a Pinehasi aari ni yoowo ni hiihotho aLeevi Yozabade, mwaana mulopwana a Yexuwa ni Nowadeya, mwaana mulopwana a Bavai.

³⁴ Sootheene saaringiwa sinaalikeliwa ni olemelawaya wootheene waalempwa ehuhuweene yeele.

³⁵ Vano anamatthukiwa yaahokolongwe wootthukiwani oBabiloniya yaampakela Muluku a aYixrayeli sooveleela soohisa: imombe ilopwana muloko ni piili wa aYixrayeli ootheene; anapunci miloko mithannamixexe ni athannamosa; iputtiputthi ilopwana miloko mithannamiili niithannapiili ni, ntoko yooveleelela yoottheka, ipuri ilopwana muloko ni piili. Sootheene iye saari sooveleela soohisa wa Yave.

³⁶ Yaahaavahatho soolamula sa Aritaxaxete mapwattapwattha a mwene ni maguvernadori a ilapo sa okhopela mooloko Efratesi, ni awosa yaahaakhavihera aYixrayeli ni otekiwa wa Empa ya Muluku.