Ezekiyeli 4 - Emakhuwa Bible

Othaliwa wa oriciwa wa oYerusaleemu

¹ “Vano mwaana a mutthu, mukuxe endyerwa, mwiikaathi ohoolowanyu ni mulepeleleno esidade ya oYerusaleemu.

² Vano murice ni mutekelele ikaaro sookurumulela ixiri, mpakele yooricano, mpake mukuso ni mookonelamo, murehererele ikaruma soottiittela ixiri mukhwipimwaya.

³ Vahoolowaya, mukuxe muceco wa eyuuma, mwiikaathi eriyari ya nyuwo ni esidade ntoko exiri ya eyuuma ni mwakhale ohoolowaya. Eyo eniiriciwe, aani oorica mmwikhale ti nyuwo. Eyo eniikhale eneneero wa muloko wa oYixrayeli.

⁴ Vano mwiixaatalelele moonowaanyu woothiyana ni mwiixiikaathere sootakhala sa muloko wa oYixrayeli. Nyuwo mwathateleke sootakhalasaya mweehuhuni ya waatta wa mahuku muneeraanyu mwiixaatalelele moonowaanyu woothiyana.

⁵ Koolakela weera waatta wa mahuku awo elikaneleke waatta wa iyaakha sa otakhalawaya. Nyuwo muthateleke sootakhala sa muloko wa oYixrayeli wa mahuku macira mararu ni mahuku miloko mithannamixexe.

⁶ Emanleene ehuhu eyo, mwiixaatalelele moonowaanyu woolopwana, ni mwathatele sootakhala sa muloko wa oYuda wa mahuku miloko mixexe – nihuku nimoha wa khula eyaakha ya sootakhala sa oYuda.

⁷ Ngwehe oriciwa wa oYerusaleemu, ni, moono wookwinyiweene, mwathaliherele otthuna wa Muluku.

⁸ Kinimootthukani ni mikhoyi weera muhirukunuwe mpaka muneeraanyu mukwanihere mahuku a oricawanyu.

⁹ Mukuxe etrigu ni esevada*, ttaangare ni irooro, meele ni esenteyo*; muhele munrupani ni mwiipakeleno yooca. Nyuwo mmwiceeke mweehuhuni ya mahuku macira mararu ni miloko mithannamixexe mwiixaatalelenleene moonowaanyu woothiyana.

¹⁰ Muringe igrama* macira meeli ni miloko mixexe sa yooca wa khula nihuku ni muceeke mweehuhuni mulakeleliwaanyu.

¹¹ Muringetho nttikha na eliitru* emoha ya maahi ni ngwureke mweehuhuni yoolakeleliwa.

¹² Muceeke epaawu mooteene yoowo mweeraanyu muce eboolu ya esevada*; mooxeke woonaka muloko, muvarelaka muteko mahiloka a atthu ntoko ikhuuni.”

¹³ Yave aaheera: “Mooteene yoowo, aYixrayeli animooca yooca yoohitteela eriyari ya miloko kineeraaka kiwoomolele.”

¹⁴ Vano miyo kaaheera: “Ii! Yave onlamula sootheene! Miyo nkiniivaliheru. Okhuma enamwanaaka mpaka vaanaano va, nkinakhuureru yoovettuliwa hoye hoye yoonyaanyiwa ni mwaamunama a ntuphini. Mmwaanomwaka kheenavoloweru yakhalaru etthu yoohitteela.”

¹⁵ Owo aaheera: “Paahi, kinimootthuniherani wooxa epaawaanyu vamahilokani a emombe, ohikhanle vamahilokani a atthu.”

¹⁶ Yave aaheeratho: “Mwaana a mutthu, kinoovukula waatta wa yooca oYerusaleemu. Muloko onuuce ngwoovani yooca yookwandiwa, owurakatho maahi ookwandiwa ohoonaka yooweera,

¹⁷ niwoko eniithowe yooca ni maahi. Onuuwuume owanoni yaawehanaka, ni eniiyavayave niwoko na sootakhalasaya.”