Ezekiyeli 35 - Emakhuwa Bible

Othorihiwa wa mwaako Seyiri

¹ Yave aahuuluma ni miyo, eeraka:

² “Mwaana a mutthu, muhuluwele omwaako Seyiri; muthaliherele otthuna wa Muluku ni mweere:

³ ‘Yave onlamula sootheene, oneera ha: Koowiittani, mwaako Seyiri, ni kinimootheteelani moonowaaka, koopakekeni nikare noophwatiwa.

⁴ Kinootatuxa mathala isidadesanyu, ni nyuwo munoothaamiwa. Hiiho, nyuwo munoosuwela weera Miyo ti Yave.

⁵ Mweenre nyuwo mwavarexexaka wiittana wa khalayi, munawinnyerera aYixrayeli mukatanani mweehuhuni naaphiyalaaya nttaruxonaya, mweehuhuni ya ehasaraaya,

⁶ tivawo kinlipelaaka mwa okumaaka, onghima Yave onlamula sootheene, weera kinoowinnyererani noomala, ni owo onimoottharelelani. Mweenre nyuwo muhimuthanya noomala, owo onimoottharelelani.

⁷ Kinookhaliha mwaako Seyiri nikare noophwatiwa, ni mwa yoowo kinimwaamalamaliha ootheene ankhalawo ni anrowawo.

⁸ Kinoosariha mmanyaakonimwanyu mittembo; oowiiviwa ni ekatana eniimorele mmattumuxanimwanyu, mureyareyanimwanyu ni mmaxaapwanimwanyu moothemwene.

⁹ Kimmoophwatani wa mahuku ootheene; isidadesanyu khasimakeyaru. Hiiho, nyuwo munoosuwela weera Miyo ti Yave.

¹⁰ Mweenre nyuwo mweera: “Ilapo ni miloko miili iya nsikhale sawihu ni nnikuxe,” Miyo kiri weiwo,

¹¹ kinlipela mwa okumaaka, onghima Yave onlamula sootheene, weera kinimoopakelani nyuwo kittharihaka isara ni ehace moonihenraanyu mwa yaawo moosoondanimwanyu, ni kinimwiisuweliha eriyaraayasa koothorihakani nyuwo.

¹² Hiiho, nyuwo munoosuwela weera, Miyo Yave, kohiiwa itthu soonyooseya sootheene nyuwo mweerenlaanyu nyaako sa oYixrayeli.

¹³ Nyuwo mookisareela wiixoona ni okuulumelawanyu kohiiwa.

¹⁴ Vano Yave onlamula sootheene, oneera ha: Miyo kinimoophwatani elapo yootheene etthapaka.

¹⁵ Mweenre nyuwo mwatthapa yoohiyeriwa ya muloko wa oYixrayeli yaaphwatiwaaya, kinimoopakelanitho hiiho. Ii! Mwaako Seyiri, nyuwo munoophwatiwa vamoha ni wEdomi wootheene. Hiiho, anoosuwela weera Miyo ti Yave.’”