Ezekiyeli 30 - Emakhuwa Bible

Olalamika mwaha wa wExipitu

¹ Yave aahuuluma ni miyo eeraka:

² “Mwaana a mutthu, muthalihere otthuna wa Muluku ni mweere: ‘Yave onlamula sootheene oneera ha: Mukhuwele ni mweere: “Ii! Nihuku nno!”

³ Vano, nihuku nookhuveela, nihuku na Yave nookhuveela; nno nnikhale nihuku na mahutte, ehuhu ya othorihiwa wa miloko.

⁴ Ekatana enoongwanano Exipitu, ni otteenguwa onookhumelela oKuxe. Anamakhwa yaamoraka wExipitu, mihakhusaya sinoovenxiwa ni mathipelowaaya anoopwexakasiwa.

⁵ oKuxe ni oPute, oLidiya ni wArabiya wootheene, oLibiya ni muloko wa elapo ya wiiraana, onoomoroxiwa ni ekatana vamoha ni wExipitu.

⁶ Yave oneera ha: Yaawosa yiiraanne ni wExipitu anoomora, ni ikuru aniikuxereraayano sinooporora. Okhuma oMigedoli mpaka wAsewani, awosa animwiiviwa ni ekatana. Masu a Yave onlamula sootheene.

⁷ Anoophwatasiwa eriyari ya ilapo sa nikare, ni isidadesaya sinookhala mathalaru eriyari ya isidade soothaamiwa.

⁸ Miyo kaahisaka wExipitu ni ootheene ankhaviherawo yaattikitthiwaka, awosa anoosuwela weera Miyo ti Yave.

⁹ Nihuku nno kinimwaarumiha anamitthenga mmakulani matokotoko weera etutuxe muloko wa oKuxe oniixoona okhala woolipeene. Otteenguwa onimwaasaraxa vanihukuni na othorihiwa wa wExipitu, niwoko vekhaikhai, nno nnoophiya.

¹⁰ Yave onlamula sootheene oneera ha: Kinoomaliha muloko wa wExipitu mwa matata a Nebukadenezari, mwene a oBabiloniya.

¹¹ Owo vamoha ni anakhottwaawe – muloko ohimmorelaxaru ikharari – anookuxiwa weera yaphwate elapo. Awosa anoovarela ekatana ewananeke wExipitu, ni elapo enoosareya mittembo.

¹² Kinimuumiha maxaapwa a Nilu, ni kinimwaathumihera elapo atthu oonanara murima; mwa matata a anamarwa kinoohiya elapo yoophwatiweene vamoha ni sootheene sirimo. Miyo, Yave, kohuuluma.

¹³ Yave onlamula sootheene oneera ha: Kinoophwata miluku ni kinoomaliha icaambulo siri oMemfesi. Khakhalatho mwaana mulopwana a mwene wExipitu, ni kinoomwaraxela woova mulaponi moothemwene.

¹⁴ Kinoophwata ottuttuwani wa wExipitu, kinoohisa oZowani ni kinoottaruxa oTebesi.

¹⁵ Kinooyeehera isarasaka oPelusiyumi, woolipawo wa wExipitu, ni kinimwaamaliha atthu oohaatta a oTebesi.

¹⁶ Kinoohisa wExipitu; oPelusiyumi onookhunyanyeya moovoreyani. oTebesi onoovavihiwa ni epheyo etokotoko; oMemfesi onoottenguwaxa.

¹⁷ Amiravo a oHeliyopolisi ni a oBubastis, animwiiviwa ni ekatana, ni muloko wa isidade onooronghiwa wootthukiwani.

¹⁸ Kaamalihaka nihasu na wExipitu, epiphi enoolamula othana Tafanyesi; iwo wiixoona wa ikurusaya onoomala. Onookutteleleya ni mahutte, ni amaki a mmittetthenimwaya anooronghiwa wootthukiwani.

¹⁹ Hiiho, Miyo kinoottaruxa wExipitu ni ootheene anoosuwela weera Miyo ti Yave.’ ”

Wuulumeleliwa wa Farawu*

²⁰ Vanihukuni nanaathannameeli na mweeri woopacera wa eyaakha yanaamuloko niimoha, Yave aahuuluma ni miyo, eeraka:

²¹ “Mwaana a mutthu, Miyo kohintaka moono wa mwene a wExipitu; khaawo amuttumbaanyenre emmaraka weera alame ni avareletho ekatana.

²² Vano, Yave onlamula sootheene oneera ha: Koomwiitta Farawu*, mwene a wExipitu. Kinimwintaka nyoonosawe miili – woohinteya ni yoowo winteiye, ni kinoommoroxiha ekatana mmatatanimwawe.

²³ Kinoowoomola awExipitu variyari wa miloko, kaamwaraxeleke mulaponi moothemwene.

²⁴ Kinoolipihera nyoono sa mwene a oBabiloniya, kimwinnyerereke ekatanaaka mmatatanimwawe, mene kinimwintaka nyoono sa Farawu* ni onimwiipulela akhwaaka ohoolo wa mwene a oBabiloniya.

²⁵ Aani, kinoolipiha nyoono sa mwene a oBabiloniya, mene nyoono sa mwene a wExipitu sinooporora. Vano kaamwinnyereraka ekatanaaka mmatatani mwa mwene a oBabiloniya ni owo aatheteelaka wExipitu, atthu ootheene anoosuwela weera Miyo ti Yave.

²⁶ Kinoowoomola awExipitu variyari wa miloko kaamwaraxeleke mulaponi moothemwene. Vano awosa anoosuwela weera Miyo ti Yave.”