Ezekiyeli 29 - Emakhuwa Bible

Olaleiya mwaha wa wExipitu

¹ Vanihukuni nanaamuloko ni meeli na mweeri wanaamuloko wa eyaakha yanaamuloko ya wootthukiwani, Yave aahuuluma ni miyo, eeraka:

² “Mwaana a mutthu, murukunuwele wa Farawu*, mwene a wExipitu, ni munthaliherele owo ni awExipitu ootheene otthuna wa Yave.

³ Mwaaleele: ‘Yave onlamula sootheene oneera ha: Koowiittani nyuwo Farawu*, mwene a Exipitu, nyuwo ntutu mutokweene mwiixaatalenle eriyari ya maxaapwaanyu. Nyuwo muneera: “Nilu ti awaka; kiipakenle muneenaaka.”

⁴ Vaheera Miyo kinoohoma ni nimeso ettwattwaraanyu, ni kinoopakiha weera ihopa sa maxaapwaanyu saange mmakambanimwanyu, ii! wExipitu. Kinimoopurulelani omokoni wa maxaapwaanyu, vamoha ni ihopa saangiye mmakambanimwanyu.

⁵ Kinimoohiyani munikareni vamoha ni ihopa sootheene sa maxaapwaanyu. Nyuwo mmwimorele vanlakani ni khamvenxiwa hata khamvithiwa. Kinimwaavaha erutthwaanyu axinama a ntuphini ni ipalame sa wiirimu.

⁶ Hiiho ootheene anoosuwela weera Miyo ti Yave. Nyuwo ti ekopo yoopakiwa ni ettheere wa muloko wa oYixrayeli.

⁷ aYixrayeli yoophiteenraayani, mwaahaapera, munaavulaliha mmakhatanimwaya; yaasaansaaya ekhaviherowaanyu, mwaawintaka, munaalosowiha nyettosaya.

⁸ Vanonto, Yave onlamula sootheene oneera ha: Kinooruuha ekatana yoowoowananani nyuwo, kiwiiveke atthwaanyu ni axinamaanyu.

⁹ Exipitu onookhala mathalaru woohimakiwa. Hiiho, anoosuwela weera Miyo ti Yave. Mweenre mweera: “Nilu ti awaka; ti miyo kimpanke,”

¹⁰ koowiittani nyuwo ni nyoolokosanyu, ni kinoopakiha wExipitu ehasara ni nikare noophwatiwa, okhuma oMigedoli mpaka wAsewani, okotela omwiinanoni wa oKuxe.

¹¹ Khakhalaru mutthu naari mwaamunama anaavirewo. Kheewoworu eniikhale ni okumi wa iyaakha miloko mixexe.

¹² Kinookhaliha wExipitu elapo ya nikarexa opwaha ilapo sootheene; mweehuhuni ya iyaakha miloko mixexe isidadesaya sinookhala mathalaru eriyari ya mathala a isidade sootheene. Kinimwaamwaraxa awExipitu variyri wa miloko ni kinimwaakawanyiha mmilokoni soohiyanahiyana.

¹³ Wa soothesene Yave onlamula sootheene oneera ha: ‘Simanleene iyaakha miloko mixexe kinimwaathukumanyiha awExipitu eriyari ya miloko mwa seiyo amwaraxeliwaaya.

¹⁴ Miyo kinimwaahokoloxa wootthukiwani, kaarongheke wExipitu, elapo ya makholowaaya. Wu anookhala omwene wooyeva.

¹⁵ Onookhala omwene wooyevaxa, ni khawiivuwihatho mmilokoni. Kinookhaliha woohilipa ni khoorwa olamulatho miloko.

¹⁶ wExipitu khookhalatho oweherera wa aYixrayeli, mene onuukhale yoowuupuwelela moota yaatakhanlaaya woowaasaasa ekhavihero ya wExipitu. Hiiho awosa anoosuwela weera Miyo ti Yave onlamula sootheene.’ ”

oBabiloniya onoohuhula wExipitu

¹⁷ Vanihukuni noopacera na mweeri woopacera wa eyaakha yanaamiloko miili niithannapiili ya wootthukiwani, Yave aahuuluma ni miyo, eeraka:

¹⁸ “Mwaana amutthu, Nebukadenezari mwene a oBaniloniya aahaarumihela anakhottwaawe ongwanano Tiro ekhotto yoovihaxa; nyurusaya sootheene soometthiwa mpaka ohihalaru mayihi ni makhataaya ovulalaxa. Wa soothesene, owo ni anakhottwaawe khayaatthuveliweru wa ekhotto yaawanannaaya oTiro.

¹⁹ Tivawo Yave onlamula sootheene oneeraawe ha: Kinoomvaha wExipitu Nebukadenezari, mwene a oBabiloniya, ni owo onoorowano mihakhu sa muloko owo. Owo, onoohuhula, akuxeke elapo ntoko yoowaalivano anakhottwaawe.

²⁰ Miyo koomvaha wExipitu ntoko yoomutthuvelela ngwiilipiheranimwawe, mwa yeeyo owo vamoha ni anakhottwaawe akipakenlaaya, onghima Yave onlamula sootheene.

²¹ Nihuku nno, kinimwaandyeerera ikuru sa muloko wa oYixrayeli ni eriyaraayasa, kinoohula eyanowaanyu. Hiiho, awosa anoosuwela weera Miyo ti Yave.”