Ezekiyeli 25 - Emakhuwa Bible

Wuulumeleliwa wAmoni

¹ Yave aahuuluma ni miyo, eeraka:

² “Mwaana a mutthu, murukunuwele wa awAmoni ni mwaathaliherele otthuna wa Muluku.

³ Mwaaleele ha: ‘Mwiiwe masu a Yave onlamula sootheene. Yave onlamula sootheene oneera ha: Mweenre nyuwosa mukhuwelasa mweeraka: “Eya! Eya!” Nipuronaka Nootteela* naahiirihiwaaya, elapo ya oYixrayeli yaanyaatuliwaaya ni muloko wa oYuda waarongwaaya elapo ekina wootthukiwani,

⁴ Miyo kinoowinnyererasani ntoko ettima ya muloko wa mpatta ninkhuma nsuwa. Awosa anoopakasa mookonelamwaya ekungeke iheemasaya eriyaraanyu; animooca soowiimasanyu ni anoowura mukakaanyu.

⁵ Kinoopaka oRaba moocihamo wa ikamelu* ni wAmoni nipuro noowiitthuuwa ikhondoolo. Hiiho, nyuwosa munoosuwela weera Miyo ti Yave.

⁶ Yave onlamula sootheene oneera ha: Mweenre nyuwosa mwiipa makuphi, munatupha ni ohakalala, murimaanyu osareiyeene sootakhala mwaha wa elapo ya aYixrayeli,

⁷ mwaha wa yeeyo, kinimootheteelani moono ni kinoowinnyererasani mmilokoni ntoko soohuhuliwa. Kinimoomalamalihasani eriyari ya ilapo ni kinimookotihasani eriyari ya miloko. Miyo kinimoophwatasani, ni nyuwosa munoosuwela weera Miyo ti Yave.’ ”

Wuulumeleliwa oMowabe

⁸ “Yave onlamula sootheene oneera ha: ‘Eenre Mowabe ni Seyiri eeraka ha: “Moone, muloko wa Yuda woothatuwa ntoko miloko sikina sootheene,”

⁹ mwaha wa yeeyo, kinoohula mwiinano wa mpatta ninkhuma nsuwa wa oMowabe, kipaceraka musidadenimwawe siri mmwiinanoni – oBeti-Yeximoti, oBahali-Meyoni ni oKiriyatayimi siri ovuwa wa elapo eyo.

¹⁰ Kinoomwinnyerera Mowabe ni awAmoni ntoko ettima ya muloko wa mpatta ninkhua nsuwa. awAmoni khayuupuweleliwatho eriyari ya miloko,

¹¹ ni kinooruuhela nttaruxo oMowabe. Hiiho, awosa anoosuwela weera Miyo ti Yave.’ ”

Wuulumeleliwa wEdomi

¹² “Yave onlamula sootheene oneera ha: ‘Eenre Edomi iinlelaka ikukuttula muloko wa oYuda, ni mwaha wa yeeyo aniiruuhela nthowa,

¹³ tivawo Yave onlamula sootheene oneeraawe ha: Kinootheteela moono wEdomi kiwiiveke atthwaawe ni axinamaawe. Miyo kinoophwataxa – okhuma oTemani mpaka oDedani, awosa animwiiviwa ni ekatana.

¹⁴ Miyo kinimwiinlela ikukuttula wEdomi mwa matata a aYixrayeli, mulokwaaka, ni owo onoopakela wEdomi attharihaka isarasaka ni onyoonyiwawaka; wEdomi onoosuwela ikukuttulasaka, onghima Yave onlamula sootheene.’ ”

Wuulumeleliwa oFilistiya

¹⁵ “Yave onlamula sootheene oneera ha: ‘Yeenre aFilisti epakelaka ikukuttula, soonanara sireene vamurimani, ni wiittawaya wa khalayi ohuruwela ophwata oYuda,

¹⁶ Yave onlamula sootheene oneera ha: Kihanle vakhaani waatheteela moono aFilisti. Kinimwaamalamaliha aKereti kaaphwateke eniihalahale muxerexere ephareiya.

¹⁷ Kinoowiinlelaxa ikukuttula kaattaruxeke musaranimwaka. Kaawiinlelaka ikukuttula, anoosuwela weera Miyo ti Yave.’ ”