Ezekiyeli 2 - Emakhuwa Bible

Moonelo wa nikwakhwala

¹ Owo aakeerela: “Mwaana a mutthu, mweemele, niwoko miyo kinimuuluma ni nyuwo.”

² Uulumaawe, Munepa waakivolowa, onakeemexa, kinamwiiwa yoole aakuulumano.

³ Owo aakeerela: “Mwaana a mutthu, kinimoorumihani wa aYixrayeli, muloko woovaanya mwa yoowo okivaannye; awosa ni makholowaayeene ankivaanya mpaka olelo va.

⁴ Wa muloko kineeraaka koorumiheleni ti woottiyamaaru ni woowuuma murima. Mweerele: ‘Ala ti masu a Yave onlamula sootheene.’

⁵ Naari wiiwaka hata ohiiwaka – niwoko ti anamavaanya – onoosuwela weera ookhala mprofeeti eriyaraaya.

⁶ Nyuwo, mwaana a mutthu, muhiwoove atthu awo hata maswaayeenetho. Muhiwoove, naari yooricakani ni rupulula ni nyiiwa, ni nyuwo mukhalaka eriyari ya awalisi. Muhoove yeeyo anghimaaya, hata mwaawoonaka, muhitteenguwe, arookhalaru muloko woovaanya.

⁷ Nyuwo mwaaleeleke maswaaka, yiiwe hata ehiiwe, niwoko awosa ti anamavaanya.

⁸ Vaheera nyuwo, mwaana a mutthu, mwiiwe yeeyo kinooleelaakani. Muhikhale oovaanya ntoko muloko owo; mwaathame ni mukhuure yeeyo kineeraaka koovaheeni.”

⁹ Vano kaaweha kinoona ntata na mukina kitheteeliweene. Mmwe naakhala nikwakhwala na elivuru,

¹⁰ mwa nenne aatapurunxaawe ohoolowaka. Mipatta soomiili sa nikwakhwala yaalempwamo masu a olalamika, wiikhupanyera ni othananaxa.