Ethupululo 4 - Emakhuwa Bible

Ehice wiirimu

¹ Vahoolo wa itthusene seiya kaaweha, ni ohoolowaka waakhala mulako woohuleya wiirimu. Nsu kiiwalaaka woopacera nuulumaka ni miyo ntoko nipalapatta, naaheera: “Ngweleke va ni kinoowooniherani yeeyo eneera ekhumelele vahoolo wa itthusene seiya.”

² Wootutuxereya kaaphwanyaneya mMunepani, ni ohoolowaka yaakhala ehice wiirimu, ni Mukina akilaantheene vaavaawo.

³ Mukhalelowaawe Yoole aakilaathiye waari ntoko yaspe* ni sardonikisi*. Muura waalikana esmeralda* waarukureera ehice.

⁴ Vano, ihice miloko miili niixexe sikina saarukureera ehice ele, ni asitokweene miloko miili naaxexe ekilaantheene mwemmo. Awo yaawanre ikuwo sootteela nitho icireemba sa eyuuma yoorikaxa mmurumwaya.

⁵ Wa ehiceene yeele waakhuma overunya, sooruma ni okukutteya. Vahoolowaya saavarela mithuko mithannamiili, siri minepa mithannamiili sa Muluku.

⁶ Ohoolo wa ehice yaakhalatho etthu yoolikana ni ephareiya ya ningaraasi, yoowooneela ntoko nluku na ekristalo*. Eriyari, mukerekheremwaya ehice, saari ikhalelo ixexe sa okumi soosareya maitho ohoolo ni ottuli.

⁷ Ekhalelo yoopacera yaari yoolikana ni mwatto; yanaaveeli ni emombe elopwana; yanaararu yaarino ekhove yoolikana ni mulopwana, ni yanaaxexe yaari ntoko xaaka avavaka.

⁸ Ekhalelo ti ekhalelo yaarino mapupha mathannamosa ni yaasareya maitho mapuro ootheene – mpaka mmapuphani. Ohiyu ni othana sihiitthuuwaka sineera: “Ootteela, Ootteela, Ootteela ti Apwiya Muluku a ikuru sootheene, yaari, ari, ni eniirwe.

⁹ Imaara sootheene ikhalelo sa okumi simvahaaya ovuwa, nttittimiho ni sootthapela wa Yoole okilaathiye vahiceni ni onkhala ni okumi woohimala,

¹⁰ asitokweene miloko miili naaxexe animukokhorela Yoole okilaathiye vahiceni ni animulapa Yoole onkhala ni okumi woohimala, evonyeraka icireembasaya ohoolo wa ehice, yeeraka:

¹¹ “Nyuwo moophwanela waakhela ovuwa, nttittimiho ni ikuru, Apwiya ni Mulukwaahu, niwoko moopattuxa itthu soothesene, ni iyo sinkhala ni sipakiwe niwoko na otthunawanyu.”