Ethupululo 1 - Emakhuwa Bible

Evolowelo

¹ Ethupululo ya Yeesu Kristu, Muluku aamvanghaawe weera awoonihere arumeiyaawe mwaha wa seiyo sineera sikhumelele woowaakuveya. Amurumihelaka ndyelowaawe, Owo aamusuweliha murumeiyaawe Yohaane,

² mwa yoowo onkhalela onamoona wa masu a Muluku ni wa onamoona wa Yeesu Kristu, aani wa soothesene oonnaawe.

³ Ooreelihiwa ti yoole onsoma masu a ethupululo ela, ni ooreelihiwa ti yaale aniiwa ni anthokorora masu alempwale mwa yeeyo, niwoko ehuhu ehanle ti ekhaaneene.

Wuulumiha ni ottottopela

⁴ Ya Yohaane, wa ikerexa ithannapiili siri wAsiya: Wa nyuwo mahala ni murettele onrweela wa Yoole ori, aari, ni anaarwe, ni wa minepa mithannamiili siri ohoolo wa ehicaawe,

⁵ ni wa Yeesu Kristu ori Namoona oororomeleya, Ntthaara mwa anamakhwa, Namalamula a mamwene a elapo yootheene. Wa Yoole onnisivela ni onivulunxe wa sootthekasahu niwoko na ephomaawe, ni

⁶ onikhalinghe omwene ni asaserdoti* weera nimurumeele Mulukwaawe ni Atithawe, wa Yoowo okhale ovuwa ni ikuru soohimala. Ame*.

⁷ Moone weera Owo onimoowa mmahutteni, ni maitho ootheene eniimoone, yaaletho yaamuhomme, ni miloko sootheene sa elapo ya vathi nsilalamike niwoko na Yoowo. Hiiho onuukhale! Ame!*

⁸ “Miyo ti Alfa* ni Omega*,” yeenre Apwiya Muluku, “Yaawo ari, yaari, ni eniirwe, a ikuru sootheene.”

Mukina oolikana Mwaana a mutthu

⁹ Miyo, Yohaane, munninyu ni mukhwiinyu moohaawani, moomweneni, ni moovilelani mwa Yeesu, kaari ocirumbani yiitthaniwa Patmo niwoko na masu a Muluku ni na onamoona wa Yeesu.

¹⁰ Munihukuni na Apwiya, kaahiiphwanyera mMunepani, ni kaahiiwa ottuliwaka nsu ntokweene ntoko nipalapatta,

¹¹ neeraka: “Mulepe yeeyo munoonaanyu, ni murumihele wa ikerexa ithannapiili siri wEfeso, oSmirna, oPergamu, oThiyatira, oSardi, oFiladelfiya ni oLawodiseiya.”

¹² Kaarukunuwa weera kimoone taani uuluma ni miyo. Kirukunuwaka, kaahoona iyuuma soorikaxa ithannapiili saarino iveela,

¹³ ni variyari wa iyo Mukina oolikana ni Mwaana a mutthu, ni mukaandyo woorakama ni angwanreene vakakasani laamba a eyuuma yoorikaxa.

¹⁴ Muruwaawe ni mayihaawe yaari ootteelaxa ntoko mapururu a eputtiputthi, aani, ntoko etthapwe, ni maithwaawe yaari ntoko nlumi na mooro.

¹⁵ Inaawosawe saari ntoko eyuuma yoowiitthwaxa vamooroni, ni nsunawe ntoko oruma wa maahi mancipale.

¹⁶ Aakhalano ntatanawe na moono mulopwana ithenyeeri ithannapiili ni mmwaanomwawe yaakhuma ekatana yoowiitha ninno ninno. Ekhovaawe yaari ntoko nsuwa noopaka ni ikuru sincipale.

¹⁷ Kimoonakaru, kaamorela vanaawoniwawe ntoko mutthu okhwiiye. Vano Owo aakiikaathera ntatanawe na moono mulopwana, anakeerela: “Muhoove, Miyo ti Oopacera ni Oomalihera.

¹⁸ Miyo ti Yoole onkhala ni okumi; kaahookhwa, mene vano kinkhala ni okumi mahuku ootheene oohimala. Ni kookhalano ixaavi sa okhwa ni sa Hadesi*.

¹⁹ Mulepe itthu moonnaanyu, seiyo sinkhala ni seiyo sineera sikhumelele.

²⁰ Nna ti ntikhinelo na ithenyeeri ithannapiili moonnaanyu muntatanimwaka na moono mulopwana, ni na iyuuma soorikaxa ithannapiili sirino iveela: ithenyeeri ithannapiili ti andyelo a ikerexa ithannapiili, ni iyuuma soorikaxa ithannapiili sirino iveela ti ikerexa ithannapiili.”