Epacerero 7 - Emakhuwa Bible

¹ Vahoolowaya Yave aamweerela Nowe: “Mvoloweke munikulani, nyuwo vamoha ni emusaanyu, niwoko kohoona weera ti nyuwo paahi muri oororomeleya mwa ekhapireene yeela.

² Mwarowaneke sootheene sa asinama ootteela: Ithannapiili soothelana – elopwana ni ethiyana, nitho wa sootheene sa asinama oohitteela: Piili-piili – elopwana ni ethiyana.

³ Mukuxetho soothelana ithannapiili sa ipalame, sa moota wootheene wa ipalame – elopwana ni ethiyana, weera sipwaherereke okhala ni okumi mweelaponi yootheene.

⁴ Yavira mahuku mathannameeli, kinoorupiha epula elapo yootheene wa mahuku miloko mixexe ni ohiyutho miloko mixexe. Kinoottakaneeliha itthu sootheene siri ni okumi mweelaponi kipattunxaaka.”

⁵ Nowe aapaka sootheene ntoko Yave aamulamulenlaawe.

Mirupi

⁶ Nowe aarino iyaakha macira mathannamosa saaphiyalaaya mirupi mweelaponi.

⁷ Nowe vamoha ni amwaariye, anamwanaawe, ni axaaraya yaavolowa munikulani weera etthawe maahi a mirupi.

⁸ Eeli-eeli a asinama oothelana ootteela ni oohitteela ni piili-piili sa moota wootheene wa ipalame soothelana muloko neeli-eeli a moota wootheene wa asinama aniipurula

⁹ yaavolowa munikulani vamoha ni Nowe ntoko Muluku aamulamulenlaawe.

¹⁰ Eviraka mahuku mathannameeli, saapacera mirupi omorela elapo ya vathi yootheene.

¹¹ Naari nihuku na naamuloko ni mathannameeli na mweeri wanaaveeli wa eyaakha Nowe aarinaawe iyaakha macira mathannamosa. Nihuku nenenenne anaattuuttu ootheene a mphareiyani yaahuleya ni erimu yaahuleyatho.

¹² Epula yaarupa mweelaponi othana miloko mixexe ni ohiyutho miloko mixexe.

¹³ Nihuku nenenenne Nowe vamoha ni anamwanaawe Xemi, Hami ni Yafeti, ni amwaariye nitho axaaraya anamwanaawe araru yaavolowa munikulani.

¹⁴ Vamoha ni yaawosa saavolowa mikhalelo sootheene sa asinama, sa mihuwo, sa soowiipurula ni sa ipalame – sootheene saarino mapupha.

¹⁵ Soopattuxiwa sa inama sootheene soothelana saarino okumi saavolowa piili-piili munikulani vamoha ni Nowe.

¹⁶ Inama saavolongwe munikulani saari piili-piili, ethiyana ni elopwana, ntoko Muluku aamulamulenlaawe Nowe. Vahoolowaya Yave aawala mulako.

¹⁷ Mirupi iye saarupa wookwana mahuku miloko mixexe ni maahi yaahaandyeerereya, nnaphamba nikula.

¹⁸ Vano maahi ale yannaandyeerereya vancipale, ni nikula naaphamba.

¹⁹ Vanonto, maahi yeera yaandyeerereyaka mweelaponi mpaka nyaako sootheene siriwo saamireya.

²⁰ Nyaako saamireya mpaka maahi yaapwahera vasulu wa nyaako wookwana imeetru* ithannapiili.

²¹ Soopattuxiwa sa okumi sootheene – siniipurula, ipalame, mihuwo sootheene ni inama sa ntuphini – soopattuxiwa sootheene sinkhala mweelaponi ya vathi yootheene vamoha ni atthu ootheene – saahookhwa.

²² Sootheene saari vatthayani yoowuuma ni saarino okumi saahookhwa.

²³ Soopattuxiwa sa okumi sootheene saari mweelaponimu saaphwatiwa – okhuma atthu, hiihotho mpaka inama sitokweene ni ikhaani, seiye siniipurula vathi ni ipalame sa wiirimu – sootheene saaphwatiwa. Vano aahanle Nowe ni seiye saari ni yoowo munikulani paahi.

²⁴ Maahi ekhuneenleene elapo ya vathi yaamanle mahuku ncira ni miloko mithanu.