Epacerero 12 - Emakhuwa Bible

Wiitthaniwa wa Abraamu

¹ Yave aamweerela Abraamu: “Muhiye elapwaanyu, asinaangolowaanyu ni vaate wa atithinyu, ni murowe elapo Miyo kineeraaka kiwoonihereni.

² Wa nyuwo kinookhaliha muloko mutokotoko. Kinimooreelihani ni Miyo kinimoovahani epili. Vano nyuwo munookhala nreeliho.

³ Miyo nkaareelihe yaawo eneera yooreeliheni ni nkaalaphe yaawo eneera yoolapheeni. Vanonto, mwaha wa nyuwo nsireelihiwe miloko sootheene sa mweelaponi.”

⁴ Abraamu aattimula ntoko Yave aamulamulenlaawe, ni Loti aarowa vamoha ni yoowo. Abraamu aarino iyaakha miloko mithannamiili ni iyaakha ithanu aavenyaawe oHarani.

⁵ Aamukuxa mwaariye Sarai ni musulwaawe Loti ni mihakhu sootheene aarinaawe ni arumeiyaawe aathummaawe oHarani, enarowa elapo ya oKanaani.

⁶ Abraamu aaphutula mweelaponi mmwe mpaka oXekhemi, vakhiviru wa mwiri wa ekarivalyu*, wa oMore. Mwa ehuhuweene yeele atthu a oKanaani ti yaamanke elapo ele.

⁷ Vano vaavaale Yave aahiixoonihera wa Abraamu, anamweerela: “Kinoovahani elapo ela ni wa ekhapiraanyu yootheene.” Vanonto Abraamu aamutekela Yave altaari* vanipuroni nne iixoonihenraawe.

⁸ Evinyero vaavaale aarowa mpaka omwaako ori mpatta ninkhuma nsuwa oBeteli. Vano aakunga eheemaawe eriyari ya oBeteli ni wookela ninkela nsuwa wAi. Aamutekela Yave altaari* ni aahiitthana Nsina na Yave.

⁹ Vano aapwaherera arowaka oNegeba.

Abraamu ni Sarai wExipitu

¹⁰ Vanonto etala yaawirima oKanaani ni Abraamu aarowa wExipitu ni aakhala weiwo aarerihelaka vakhaani.

¹¹ Ahaleelaka ophiya wExipitu, aamweerela mwaariye Sarai: “Miyo koosuwela weera nyuwo muthiyana ooreera.

¹² Vano yaawoonakani atthu a wExipitu, ankela weera: ‘Nyuwo amwaara a Abraamu,’ ni awo anoowera okiiva, weera ehale ni nyuwo.

¹³ Tivawo, mweereke: ‘Ala acimweene’ weera miyo kaakheleliwe nnenesene ni okumaaka wuureliwe niwoko na nyuwo.”

¹⁴ Ephiyaka wExipitu, atthu a elapo ele yaahoona weera owo ari muthiyana ooreeraxa.

¹⁵ Yaamoonatho mapwattapwattha a Farawu*. Vano hiiho mwaariye Abraamu aakuxiwa aroihiwaka empa ya emwene ya Farawu*.

¹⁶ Farawu* aamwaakhelela nnenesene Abraamu niwoko na Sarai, ni Abraamu aahaakhela ikhondoolo, imombe, abuuru alopwana ni athiyana, arumeiyi alopwana nitho athiyana mpaka ahaaci.

¹⁷ Yave aamuttaruxa Farawu* vamoha ni atthu a vaatevawe, aattaruxaka ni iretta sitokotoko, mwaha wa Sarai, mwaara a Abraamu.

¹⁸ Tivawo Farawu* aalamunlaawe wiitthaniwa Abraamu, aneera: “Eheeni nyuwo mukipankaanyu? Heeni mwahaakileelaanyu weera owo mwaarinyu?

¹⁹ Heeni mweenraanyu weera murokorinyu? Tivawo miyo kimukunxaaka okhala mwaaraka. Amwaarinyu awo, mwaakuxeke ni muroweno.”

²⁰ Vahoolowaya Farawu* aahaalamula atthu akina mwaha wa Abraamu. Vano awo yaamuhoola Abraamu ni mwaariye vamoha ni itthu sootheene aarinaawe.