Epacerero 11 - Emakhuwa Bible

Etoore* ya oBabel

¹ Vano mweehuhuweene yeele atthu ootheene yuuluma nuulumo nimoha, ni ootheene yaavarela muteko masu mamoharu yaawo.

² Vano ettimulaka atthu ekhumaka ninkhuma nsuwa, yaaphiya elapo yoothatawala ya oXineyari ni vaavaale yaamaka.

³ Vanonto yaaheerelana: “Nipake indyerwa ni vahoolowaya nooxeke nnenesene.” Yaavarela muteko indyerwa vanipuroni na maluku ni yaavarela muteko ittoko ntoko sementte.

⁴ Vahoolowaya yaaheera: “Vano nrowe niteke esidade emoha ni etoore* etokotoko eneera ephiyeke mpaka wiirimu. Hiiho hiyo nneereke okhalano epili, ni khanirwa nimwalamwaxiwa mweelaponi.”

⁵ Yave aakhuruwa weera oone esidade ni etoore* atthu yaatekaaya.

⁶ Vano Yave aahiixeerela: “Awo ari muloko mmoharu paahi ni anuuluma nuulumo nimoharu paahi. Yapwaherera hiiha, vano khaawotho mukina aneera awere waahiiha yeela yuupuwelenlaaya opaka.

⁷ Nikhuruweke weera navirikanyihe nuulumonaya, weera awo ehiiwananeke mukina ni mukhwaawe.”

⁸ Hiiho Yave aahaamwaramwaxela mweelaponi yootheene ni awo yaahiya oteka esidade ele.

⁹ Tivawo esidade ele eniitthaniwaaya Babeli, niwoko ti weiwe Yave aavirikanyihalaawe nuulumo na atthu, nitho waari weiwe aamwaramwaxenlaawe mweelaponi yootheene.

Ekhapira ya Xemi mpaka Abraamu.

¹⁰ Ela ti ekhapira ya Xemi: Siviraka iyaakha piili vahoolo wa mirupi, Xemi, areeneno iyaakha ncira, aamuyara Arpaksadi.

¹¹ Vahoolo wooyariwa Arpaksadi, Xemi aakhalatho ni okumi iyaakha macira mathanu, ni aari tiithi a anamwane asilopwana ni asithiyana.

¹² Arinweene iyaakha miloko miraru niithanu, Arpaksadi aamuyara Xela.

¹³ Vahoolo wa oyariwa wa Xela, aakhalatho ni okumi iyaakha macira maxexe ni iyaakha tthaaru ni aari tiithi a anamwane asilopwana, ni asithiyanatho.

¹⁴ Xela arinweene iyaakha miloko miraru, aamuyara Heberi.

¹⁵ Vahoolo wa oyariwa wa Heberi, Xela aakhalatho ni okumi iyaakha macira maxexe ni iyaakha tthaaru ni aari tiithi a anamwane asilopwana, ni asithiyanatho.

¹⁶ Heberi arinweene iyaakha miloko miraru ni iyaakha ixexe, aamuyara Pelegi.

¹⁷ Vahoolo wa oyariwa wa Pelegi, Heberi aakhalatho ni okumi iyaakha macira maxexe ni iyaakha miloko miraru ni aari tiithi a anamwane asilopwana ni asithiyanatho.

¹⁸ Pelegi arinweene iyaakha miloko miraru, aamuyara Rehu.

¹⁹ Vahoolo wa oyariwa wa Rehu, Pelegi aakhalatho ni okumi iyaakha macira meeli ni iyakha ithanniixexe ni aari tiithi a anamwane asilopwana ni asithiyanatho.

²⁰ Rehu arinweene iyaakha miloko miraru ni iyaakha piili, aamuyara Serugi.

²¹ Vahoolo wa oyariwa wa Serugi, Rehu aakhalatho ni okumi iyaakha macira meeli ni iyaakha ithannapiili, ni aari tiithi a anamwane asilopwana ni asithiyanatho.

²² Serugi arinweene iyaakha miloko miraru, aamuyara Nahori.

²³ Vano vahoolo wa oyariwa wa Nahori, Serugi aakhalatho ni okumi iyaakha macira meeli ni aari tiithi a anamwane asilopwana ni asithiyanatho.

²⁴ Nahori arinweene iyaakha miloko miili ni iyaakha ithanniixexe, aamuyara Tera.

²⁵ Vahoolo wa oyariwa wa Tera, Nahori aakhalatho ni okumi iyaakha ncira ni iyakha muloko niithanniixexe ni aari tiithi a anamwane asilopwana ni asithiyanatho.

²⁶ Tera arinweene iyaakha miloko mithannamiili, aakhalano asinamwane araru: Abraamu, Nahori ni Harani.

²⁷ Ela ti ekhapira ya Tera: Tera aari tiithi a Abraamu, Nahori ni Harani. Ni Harani aari tiithi a Loti.

²⁸ Tera nlelo areene ni okumi, Harani aahookhwa wUri wa aKaldeya weiwo aayariwaawe.

²⁹ Abraamu ni Nahori yaathelasa. Amwaariye Abraamu yiithaniwa Sarai, ni amwaariye Nahori yaari Milka, mwaana a Harani. Harani aari tiithi a Milka ni Yiska.

³⁰ Vano Sarai aari mwali eekupa, ni khaarino anamwane.

³¹ Vano Tera aavenya wUri wa aKaldeya amukuxaka Mwanawe Abraamu ni musulwaawe Loti, mwaana a Harani. Aamukuxatho Sarai, mwaara a Abraamu, erowaka oKanaani. Wa soothesene, yaaphiyalaaya oHarani, yaamakawo.

³² Tera aakhala ni okumi iyaakha macira meeli ni iyaakha ithanu, anakhwa oHarani.