Deuteronomiyo 32 - Emakhuwa Bible

¹ Mwiiwe wiirimu, ni nkuulume, aani mwiiwe, elapo ya vathi, masu a eyanowaaka.

² Nihusihonaka nirupe ntoko epula ni maswaaka yiime ntoko nikame, mooteene yoowo onrupeliwaaya munyepu, ntoko kanyenye mmaphuwani.

³ Nkilaleye Nsina na Yave. Otthapeliwe ovuwa wa Yave!

⁴ Owo ti Mwala; mitekosawe ti soomalela ni ephirowaawe eri ya ekhaikhai. Owo ti Muluku oororomeleya ohinghiyanyiha; aani ti a ekhaikhai ni oowookoleleya.

⁵ Mulokwaawe Yave woompakela moohiroromeleyani; ti ekhapira yoohapuwa enkhalelaka emwaanomwaano ehikhalaka anamwanaawe. Ti yoowuuliha muru!

⁶ Muloko wa anepa ni ololo! Ti hiiho muntthunaanyu omuhokoloxera Yave ni mwettelo ola? Owo ti tiithiinyu ni Mpattuxaanyu mwa Yoowo oopattunxeni oovahakani okumi.

⁷ Muupuwelele mahuku a khalayi ni ikhapira sivinre. Mwaakohe atithinyu ni animooleelani; ahoolelaanyu ni animoothaliherani.

⁸ Muluku musulusulu avangheene miloko soohiyeriwasaya; Owo akawelaka omutthu wootheene, aakhaliha mwiinano wa miloko, attharihaka waatta wa anamwane a aYixrayeli.

⁹ Vano muloko Yave aakupanlaawe ti yoola; ekhapira ya Yakobe ti yoohiyeraawe.

¹⁰ Yave aamphwanya munikareni; moowuururuwa ni yoosareya oruma wa inama sa ntuphini. Aamukhapelela nnenensene amuxuttihaka, anamukosoopa ntoko oosiveleyaxaawe.

¹¹ Ntoko xaaka onlipelela epuurwaawe, aaraaraka wa axaanaawe, vahoolowaya onkunga mapuphaawe weera aakaphule, aahokoloxeraka mpuuruni,

¹² mooteene yoowo ti Yave paahi aamuhoolenle mwanawe; khaawo muluku mukina aamukhavihenre.

¹³ Owo aamweettiha mmapuroni a muttuttuwani a mweelaponi ni aamuciha soowiima sa ntuphini. Aamucihatho oravo waavuliwe mmwalani ni makhura yeekiwe mmasorosoroni,

¹⁴ makhura ni mukaka wa imombe ni ikhondoolo, iputtiputthi ni ipuri sooneneva, anapunci ooreeraxa a oBaxani ni ephepa yooreerela ya etrigu. Mwaawura eviinyu ya iwuuva* yooxaxa.

¹⁵ Wa soothesene, Yexuruni aahooca mpaka ohiya, anapacera ovaanya. Nyuwo mooneneva, moottittikalela ovona yooca. Moomuhiya Muluku oopattunxeni, munamukhootta Mwala oovulunxeni.

¹⁶ Awosa yaatannya ehace ya Muluku niwoko na milukusaya sikina enamunyoonyiha ni icaambulosaya sa mwiikho.

¹⁷ Aapakela sooveleela minepa soonanara sihikhanle Muluku; miluku ahisuwenlaaya sikhumelenle othanathanaru, mwa seiyo yahaalapaaya makholowaanyu.

¹⁸ Mwaamuhiya Mwala mwa Yoowo ooyanreni; mwaamuttiwala Muluku oopattunxeni.

¹⁹ Yave aahoona yeeyo, anaakhootta, niwoko aatannyiwa ni anamwanaawe asilopwana ni asithiyana.

²⁰ Owo aaheera: Kinimwaarerasa etthuli weera koone emaliherowaaya, niwoko ti ekhapira yoovaanya; anamwane oohiroromeleya.

²¹ Yaakitannyera ihace ni seiyo sihikhanle miluku ni yaakinyoonyiha ni icaambulosaya soohimuteko. Kinimwaatannyerela ihace kithanlaka muloko mukina ohikhanle muloko wa ekhaikhai; kinimwaanyoonyeriwa kithanlaka muloko woohimiruku.

²² Vano mooro woopatta musaranimwaka: Onuukhuruwe mpaka moowiixeraxa wa okhwa, ohisaka etthaya ni soohephasaya, olalihaka mathipelo a nyaako.

²³ Kinoowuukelela irisa kimalihaka nyuupasaka waalathela.

²⁴ Kinimwaarumihela etala yoowiiva, xipwexa oowoopiha ni soohooxa soowiiva. Kinimwaarumihela axinama ooluwa ni inowa soohapala siniipurula vathi.

²⁵ Anamwanaaya animwiivakasiwa mmiseweni ni ekatana; mmatthokonimwaya anoosareya maririmela. Animookhwa amiravo ni asimwali; anamwane ni anamuuluvala.

²⁶ Koheera weera kintthuna waaphwata kicipihaka wuupuweleliwawaya mulaponi,

²⁷ kinoova otthepwiwa wa amwiittanaaya kihitthunaka weera awo yeere: “Ntatanahu noowina – Yave, kheewo opankaawe.”

²⁸ Owo ti muloko woohileeleya, mwa yaawo khasinooneya miruku.

²⁹ Eya! Yaari ooleeleya, yaamwiiwa; etthokelelaka emaliherowaaya ya muhoolo!

³⁰ Khoongwereya mulopwana mmoha waattharelela asilopwana macira muloko naari asilopwana eeli waattharelela macira miloko miili ohikhanle weera Mwalaaya ori mwaathumiha naari Yave ori mwaahiya.

³¹ Vano namwaakihaaya khahiyono ntoko Namwaakihaahu – mpaka amwiittanaahu animwaakhulela!

³² Imattasaya sa iwuuva* ti sa oSodoma ni soolimmwa sa oGomora. Iwuuvasaya soosareya soohapala ni mikonkha sa iwuuva* soowaawa.

³³ Eviinyuwaaya ti soohapala sa inowa; awamwa oowiiva a ivili.

³⁴ Koothokorora itthu iyo kilipelelaka omuhakhuniwaka.

³⁵ Ntthuvelo ti nawaka; aani ti Yoomi kinrulela ikukuttula. Mweehuhuni yootthuneya sinooserenguwa inaawosaya. Nihuku na ophwatiwawaya nookhuveela ni emaliherowaaya ennaarweela.

³⁶ Yave onoothoriha mulokwaawe ni, oonaka weera khaakuru ni weera khaawo ohanle, akhalaka neethi naari epottha, Owo onimwaamorela ikharari arumeiyaawe.

³⁷ Owo aneere: “Vano siri woowi milukusaya, mwala yaatthawelaayawo

³⁸ mwa seiyo saaciiye makhura a sooveleelasaya, siwuraka eviinyu ya sooveleela soovuuvihiwa? Iyo sookhavihereni! Soovaheeni, wootthawela!

³⁹ Moone weera Miyo ti mmoharu Yoomeene. Khoowowo muluku mukina kihikhanle Miyo. Ti miyo kiniiva ni kimvaha okumi. Kimvulaliha ni kinlamiha. Khaawo ongwera wiitapuxa mmatatanimwaka.

⁴⁰ Kineemexera ntatanaka wiirimu keeraka: Kinlipela mwa Nsinanaka weera,

⁴¹ kaanonaka ekatanaaka yoowaara kivarelaka mmatatani weera kithorihe, kinoowiinlela ikukuttula amwiittanaaka kaathorihaka yaawo ankithanya.

⁴² Nyuupasaka sinookhala ephomeru, ekatanaaka yaakakatthaka irutthu: ephome ya anamakhwa ni anamavariwa, nyuru sa ahooleli a amwiittana!

⁴³ Ii! Miloko ni mulokwaaya, mmwiipele ni ohakalala, niwoko Owo onimwiinlela ikukuttula ephome ya arumeiyaawe. Onimwaatthuvela ni ikukuttula amwiittanaawe apakaka wiiraana wa elapwaawe ni mulokwaawe.”

⁴⁴ Moisesi aahoorwa vamoha ni Yoxuwa, mwaana mulopwana a Nuni, anuuluma masu ootheene a ecipo ela iiwiwaka ni muloko wa aYixrayeli.

⁴⁵ Moisesi amalihakaru waaleela masu ootheene aYixrayeli,

⁴⁶ aaweerela: “Muhele vamurimani masu ootheene kinooleelaakani olelo mweekhaikhaiyini weera mwaalamule anamwaniinyu weettela oororomeleyeene masu ootheene a Nlamulo nna.

⁴⁷ Khaahiyono masu oohimuteko; ti okumaahu. Munookhalela yaala wa mahuku mancipale mweelaponi mwemmo muneeraanyu mwakuxe munlapungweene Yordanu.”

Otthoma wa okhwa wa Moisesi

⁴⁸ Nihuku nenenenne Yave aamweerelatho Moisesi:

⁴⁹ “Murowe mmanyaakoni sa Habarimi, mwawele mwaako Nebo ori oMowabe, ohoolo wa oYeriko ni moonewo oKanaani, elapo kineeraaka kaavahe aYixrayeli ntoko yawaya.

⁵⁰ Vamwaako muneeraanyu mwawele, munimookhwawo muthukumanyihiwaka ni makholowaanyu, hiiho ntoko munninyu Aharoni okhwenlaawe omwaako Hori, anathukumanyiwa ni makholowaawe.

⁵¹ Eyo yeereenle niwoko ooweeli nyuwo khamwakiiwelenle vamaithoni wa muloko wa aYixrayeli mmaahini a oMeriba Kadexi, munikareni na oZini mwahaattittiminghaanyu ootteelawaka.

⁵² Tivawo muneeraanyu mwaase woona paahi, mene khamvolowa mulaponi kineeraaka kivahe muloko wa aYixrayeli.”